Timu ya Taifa ya Ufaransa imefanikiwa kutinga hatua ya nusu fainali ya Kombe la Dunia 2026 baada ya kuichapa Morocco mabao 2-0 katika mchezo wa robo fainali wa michuano hiyo.
Mabao ya Ufaransa yalifungwa na Kylian Mbappé dakika ya 60 na Ousmane Dembélé dakika ya 66, na kuihakikishia timu hiyo nafasi katika hatua ya nne bora.
Kufuatia matokeo hayo, Morocco imeaga rasmi mashindano hayo, huku Kylian Mbappé akifikisha mabao nane na kulingana na Lionel Messi katika mbio za kuwania Kiatu cha Dhahabu cha Kombe la Dunia 2026.
Aidha, Mbappé ameifikia rekodi yake ya Kombe la Dunia 2022, ambapo pia alifunga mabao nane, na hivyo kufikisha jumla ya mabao 20 katika historia ya michuano ya Kombe la Dunia.
