Mabingwa Watetezi wa Ligi Kuu NBC Tanzania Bara wamechezea kipigo cha mabao 2 – 1 dhidi Ihefu SC katika mchezo wa Ligi uliopigwa Leo Oktoba 4, 2023 katika Uwanja wa Highland Estate, Mbarali Mkoani Mbeya.
Mabingwa hao Watetezi kutoka mitaa ya jagwani Jijini Dar es Salaam walikuwa wa kwanza kupata bao kupitia kwa kiungo wake Muivory Coast, Pacome Zouazoua dakika ya nne.
Wenyeji wa mchezo huo Ihefu ilizinduka na kupata mabao kupitia kwa Lenny Kissu dakika ya 40 na Charles Ilamfya dakika ya 67.
Kufatia ushindi huo Ihefu inafikisha pointi saba, huku Yanga ikibaki na pointi zake tisa baada ya wote kucheza mechi nne.
