Katibu Mkuu wa Chama Cha Mapinduzi Ndugu Daniel Chongolo akihutubia wakati wa Kilele cha Matembezi maalum ya UVCCM ya kuadhimisha miaka 59 ya Mapinduzi Matukufu ya Zanzibar leo tareheb10, January 2023 katika uwanja wa Kwacha, kijiji cha Paje mkoa wa Kusini Unguja
…………………………………………
CHAMA cha mapinduzi (CCM) kimempongeza mwenyekiti wa chama hicho Rais wa Jamhuri ya Muungano wa Tanzania Mheshimiwa Dkt Samia Suluhu Hassan kwa uamuzi wa kuunda kikosi kazi cha kufanya mapitio ya jinsi ya kuboresha Taasisi za haki jinai nchini ikiwa ni utekelezaji wa Ilani ya chama hicho ya mwaka 2020/2025.
Akizungumza wakati wa kilele cha matembezi maalum ya UVCCM ya kuadhimisha miaka 59 ya mapinduzi matukufu ya Zanzibar katika uwanja wa kwacha Kijiji cha Paje mkoani kusini unguja,Katibu mkuu wa chama cha mapinduzi CCM Daniel Chongolo alisema kuwa wanampongeza kwa Rais Dkt Samia Suluhu Hassan kwa uamuzi huo ambao utachangia wananchi kupata haki zao za msingi.
Chongolo alisema kuwa kufanya hivyo kutasaidia wananchi Kuzilinda haki za wananchi ambao wameiweka madarakani serikali ya awamu ya sita kupitia Chama cha Mapinduzi ndio maana kwenye Ilani ya chama hicho ipo kwa ajili ya wananchi.
Alisema kuwa maboresho hayo yakikamilika yatasaidia kwa kiasi kikubwa wananchi kupata haki zao kwa haraka zaidi na uwazi kutokana na maboresho yatakayoletwa na kikosi kazi hicho.
Chongolo alisema kuwa chama cha mapinduzi kipo tayari kumuunga mkono kwa kila jambo ambalo analifanya hata anavyotaka kuunda upya serikali kwa kupata viongozi ambao wataendana na kasi ya serikali ya awamu ya sita.
Alimalizia kwa kusema kuwa chama cha mapinduzi kipo tayari na kinaendelea kumsemea Rais Dkt Samia kwa mambo mazuri ambayo anayatekeleza kwa wananchi kusaidia kukuza uchumi na kuleta maendeleo ya wananchi kwa miradi mbalimbali.
Mwenyekiti wa Chama cha Mapinduzi (CCM)Taifa ambae pia ni Rais wa Jamhuri ya Muungano wa Tanzania Ndugu Samia Suluhu Hassan akikabidhi Vyeti kwa baadhi ya Wadau waliowezesha kufanikisha Matembezi ya Vijana wa Umoja wa Chama cha Mapinduzi (UVCCM) katika kuadhimisha miaka 59 ya Mapinduzi ya Zanzibar yaliyofanyika Kijiji cha Paje, Mkoa wa Kusini Unguja tarehe 10 Januari, 2023.
Mgeni Rasmi Mwenyekiti wa Chama Cha Mapinduzi, Rais wa Jamhuri ya Muungano wa Tanzania Mhe. Samia Suluhu Hassan Akimsikiliza Katibu Mkuu wa CCM Ndugu Daniel Chongolo wakati wa mapokezi ya matembezi ya vijana wa CCM yaliyofanyika kijiji Cha Paje mkoa wa Kusini Unguja kisiwani Zanzibar.
