Katibu Mkuu wa Chama Cha Mapinduzi (CCM), Dkt. Asha-Rose Migiro, ametangaza kuwa aliyekuwa Makamu wa Rais wa Jamhuri ya Muungano wa Tanzania, Dkt. Emmanuel Nchimbi, amefukuzwa uanachama wa CCM.
Dkt. Migiro ametoa taarifa hiyo alipokuwa akizungumza na waandishi wa habari katika Ofisi Ndogo za Makao Makuu ya CCM, Lumumba jijini Dar es Salaam, akisema uamuzi huo umefikiwa kupitia vikao vya chama vilivyokutana na kujadili mwenendo wa Dkt. Nchimbi.
Amesema vikao hivyo vilijadili tuhuma za ukiukwaji wa maadili, kanuni na misingi ya CCM, ambapo baada ya suala hilo kuchunguzwa na kujadiliwa na vyombo husika, vikao vilifikia uamuzi wa kumfukuza uanachama.
Kwa mujibu wa Dkt. Migiro, vikao hivyo vilibaini kuwa baadhi ya matendo ya Dkt. Nchimbi hayakuendana na misingi, nidhamu na maadili yanayoongoza wanachama wa Chama Cha Mapinduzi.
Amesema uamuzi huo umechukuliwa kwa mujibu wa taratibu na kanuni za CCM, ukiwa na lengo la kulinda nidhamu, uadilifu na misingi ya chama, na siyo kumlenga mtu binafsi.
