…………….
Dodoma, 07 Novemba 2025 — Tume Huru ya Taifa ya Uchaguzi (INEC) imetangaza uteuzi wa wabunge wanawake wa Viti Maalumu watakaounda Bunge la Jamhuri ya Muungano wa Tanzania kwa Uchaguzi Mkuu wa mwaka 2025, ambapo miongoni mwa walioteuliwa ni Ummy Hamisi Nderiananga kupitia Chama Cha Mapinduzi (CCM).
Uteuzi huo umetolewa jijini Dodoma baada ya kikao cha Tume kilichofanyika tarehe 07 Novemba 2025, kwa mujibu wa masharti ya Ibara ya 66(1)(b) na 78(1) ya Katiba ya Jamhuri ya Muungano wa Tanzania ya mwaka 1977, pamoja na Kifungu cha 112 cha Sheria ya Uchaguzi wa Rais, Wabunge na Madiwani Na. 1 ya mwaka 2024.
Ummy Hamisi Nderiananga ni miongoni mwa viongozi wanawake wanaotambulika kwa kujituma katika kuwatumikia wananchi, hususan katika masuala ya kijamii na maendeleo ya wanawake. Kupitia uteuzi huu, anatarajiwa kuendelea kuchangia hoja za maendeleo na sera zenye lengo la kuimarisha usawa wa kijinsia na ustawi wa jamii kwa ujumla.
Kwa mujibu wa INEC, jumla ya wabunge wanawake 115 wameteuliwa hadi sasa, huku nafasi moja ikisubiri kukamilika kwa uchaguzi katika majimbo ya Fuoni na Siha.
