Na Hellen Mtereko, Mwanza
Ikiwa Leo Januari 25 ni kumbukizi ya kuzaliwa ya Rais wa Jamhuri ya Muungano wa Tanzania Dkt.Samia Suluhu Hassan Mkurugenzi wa Yuhoma Education Yusuph Yahaya ametumia fursa hiyo kumpongeza kwa namna anavyoendelea kutekeleza miradi mbalimbali ya maendeleo.
Yahaya ametoa pongezi hizo Leo Januari 27, 2025 wakati akizungumza na Fullshangwe Blog Ofisini kwake Jijini Mwanza.
Amesema Rais Dkt.Samia Suluhu ametoa fedha nyingi za kutekeleza miradi mbalimbali ya maendeleo katika Mkoa wa Mwanza ikiwemo upanuzi wa barabara, ujenzi wa vyumba vya Madarasa,vituo vya afya pamoja na kuwawezesha vijana kupata ajira kupitia ufugaji wa samaki kwa njia ya vizimba.
“Rais wetu anaendelea kufanya kazi kubwa ya kuwaletea wananchi maendeleo, watoto wetu saivi wanasoma katika mazingira mazuri, huduma za afya zimeboreshwa na vijana wa mkoa huu wananufaika na fursa ya ufugaji wa samaki kwa njia ya vizimba,ninamuombea kwa Mungu azidi kumpa maisha marefu ili azidi kutuletea maendeleo zaidi na zaidi”, amesema Yahaya
Amesema Rais Dkt.Samia amewapandisha walimu madaraja hatua inayopelekea kufanya kazi yao kwa ufanisi,weledi na wanafunzi wanapata uelewa wa kutosha kutoka kwa walimu wao.
“Kipindi cha nyuma tulikuwa tunaona walimu wanagoma mara kwa mara lakini kwa sasa migomo haipo wanafunzi wanafauru vizuri kwakweli Rais wetu amefanya mabadiliko makubwa sana katika Sekta ya elimu”, amesema Yahaya
Mwisho alimtakia Kheri Rais Dkt.Samia Suluhu Hassan katika siku yake ya kumbukizi ya kuzaliwa kwa kuwa na maisha marefu yenye baraka huku akimuomba Mungu amuongezee Imani na upendo katika nchi yake.
