MJUMBE WA HALMASHAURI KUU CCM WILAYA YA NJOMBE AWAPA KOMPYUTA MAKATIBU WOTE WA JIMBO LA LUPEMBE NJOMBE

Makatibu kata wa chama cha mapinduzi kutoka kata 12 wa Jimbo la Lupembe Mkoani Njombe wamepatiwa msaada wa Kompyuta zenye thamani ya zaidi ya Mil 7 ili kukabiliana na mabadirikio ya teknolojia ambayo yatasaidia kupunguza muda wa kuandaa taarifa kwa mkono jambo linalopoteza muda na fedha nyingi kipindi cha utekelezaji wa majukumu yao

Wakizungumza wakati wakikabidhiwa Kompyuta hizo makatibu hao akiwemo Tiras Mhema kutoka kata ya Mtwango wilayani Njombe wamesema zitakwenda kuongeza ufanisi katika utendaji wao kwani wamekuwa wakipoteza muda mwingi kuandika taarifa na mipango cha chama kwa mkonoWamesema Kuna wakati wanakuwa na majukumu mengi ya kuandika taarifa mbalimbali na kujikuta macho yakiwasumbua hivyo wana amini kupewa Kompyuta hizo kunakwenda kurahisisha kazi za chama na kutengeneza mazingira bora na rafiki ya ushindi katika chaguzi mbalimbali.

Awali Balton Makweta ambae ni katibu wa CCM kata ya Kichiwa amesema haijawahi tokea makatibu kupewa vifaa hivyo kwa ajili ya kutekeleza majukumu yao na huenda ikawa likawa ndiyo jimbo la Kwanza kuwa na makatibu wanaotumia Komputa zao kutekeleza majukumu.

Kwa upande wake Mario Kuchungula ambaye ni mwenyekiti wa makatibu jimbo la Lupembe amemshukuru mjumbe wa halmashauri kuu ya ccm wilaya kwa kitendo cha kuguswa na changamoto zao za kutumia karamu kuandika taarifa kwa mkono na kisha kuamua kuwapa Kompyuta hivyo anakihakikishia chama chake kwamba kupitia vifaa hivyo vya TEHAMA wanakwenda kulifanya jimbo hilo kuwa la kwanza kitaifa kukipa ushindi chama cha mapinduzi.

Nae Beno Nyato ambaye ni Mjumbe wa Halmashauri Kuu ya CCM wilaya amesema kilichomsukuma kuwapa kompyuta makatibu wote wa jimbo la Lupembe ni kutokana na changamoto ya mabadiriko ya teknolojia yanayoendelea kutokea duniani na kwamba kupitia vifaa hivyo hakuta kuwa na utaratibu wa makatibu kufunga safari umbali mrefu kila siku kupeleka ripoti zao makao makuu na badala yake watatumia barua pepe kutuma taarifa wakiwa maeneo yao ya kazi

Aidha Nyato ametoa na Flashi kwa kila kata ili itumike kwa ajili ya shughuli za chama inapohitajika ili kuondokana na matumizi mengi ya karatasi zinazopelekwa kuchapwa stationari huku pia akisema ameamua kutoa Kompyuta za mezani kwa kata zenye umeme na Kompyuta mpakato kwa kata zisizo na umeme kwakuwa zina uwezo wa kutunza moto.

“Nimetoa kompyuta na flashi kwa kila katibu kata ili kumaliza changamoto ya makatibu kutembea na taarifa umbali na kujikuta wakipoteza madaftari ambayo yameandikwa taarifa za kata zao zinazohusu chama “alisema Beno Nyato Mjumbe wa halmashauri kuu CCM wilaya ya Njombe.