Msemaji wa Timu ya Pamba Jiji, Moses William akizungumza na waandishi wa habari (hawapo pichani) kuelekea mchezo dhidi ya Simba Sc utakaochezwa katika uwanja wa CCM Kirumba Jijini Mwanza
……………
Na Hellen Mtereko, Mwanza
Kuelekea mchezo kati ya Timu ya Pamba Jiji na Simba Sport Club utakaochezwa Ijumaa Novemba 22, Mwaka huu katika Uwanja wa CCM Kirumba Jijini MwanzaTimu ya Pamba Jiji imekuja na kauli mbiu isemayo “TUTAHESHIMIANA” huku wakiwaomba mashabiki kuhudhuria kwa wingi.
Hayo yamebainishwa Leo Jumatatu na Msemaji wa Timu ya Pamba Jiji, Moses William wakati akitoa taatifa ya mchezo huo kwa waandishi wa habari.
Alisema hakuna asiyejua thamani na ubora wa benchi la ufundi la Simba lakini hayo yote hayawezi kuifanya Timu ya Pamba Jiji kuingia kwa unyonge katika mchezo huo.
“Hii ni mechi ngumu kwani tunacheza na timu ambayo iko kwenye ubora mkubwa lakini hatuwezi kwenda kinyonge”, alisema William
Alieleza kuwa maandalizi ya mchezo huo yameanza rasmi ikiwa ni pamoja na kuhamasisha watu kwenda kuangalia mechi hiyo.
Aidha, alieleza kuwa viingilio katika mchezo huo ni rafiki ambapo VIP A ni 30,000 VIP B 20,000 na mzunguko ni 5,000 huku akiongeza kuwa tiketi zitapatika uwanja wa CCM Kirumba,Halmashauri ya Jiji la Mwanza na Ttcl kuanzia Novemba 20 mwaka huu.
