Mabingwa wa Ligi Kuu Tanzania Bara Yanga imefanikiwa kufuzu hatua ya makundi Ligi ya Mabingwa Barani Afrika katika ushindi wa mabao 6-0 dhidi ya timu ya Benki ya Biashara ya Ethiopia CBE SA katika mchezo uliopigwa September 21, 2024 katika uwanja wa New Amaan Complex, Zanzibar.
Katika mchezo huo wa marudia ya hatua ya 32 Bora mabao ya Yanga yamefungwa na Mzambia Clatous Chama dakika ya 35, Clement Mzize dakika ya 46, Stephane Aziz Ki dakika ya 74, na 90 + 3, Mudathir Yahya dakika ya 88 pamoja na Duke Abuya dakika ya 90.
Kwa matokeo hayo Yanga imefuzu hatua ya makundi Ligi ya Mabingwa Afrika kwa ushindi wa jumla ya mabao 7- 0 kufuatia kuichapa CBE SA 1-0 kwenye mchezo wa kwanza uliopigwa Uwanja wa Abebe Bikila Jijini Addis Ababa.
