Katibu Mkuu wa Chama Cha Mapinduzi (CCM), Balozi Dkt. Emmanuel John Nchimbi amekutana na kufanya mazungumzo na Balozi wa Brazil nchini Tanzania, Mhe. Gustavo Martins Nogueira, kuhusu masuala mbalimbali ya kuimarisha uhusiano kati ya Brazil na Tanzania, leo tarehe 19 Septemba 2024, Ofisi Ndogo ya Makao Makuu ya CCM, Lumumba, jijini Dar Es Salaam.
Katibu Mkuu wa Chama Cha Mapinduzi (CCM), Balozi Dkt. Emmanuel John Nchimbi amekutana na kufanya mazungumzo na Mkuu wa Idara ya Uhusiano wa Kimataifa wa Chama Tawala cha Msumbiji (FRELIMO), Komredi Alcinda Antonio de Abreu, kuhusu masuala mbalimbali ya kuimarisha uhusiano kati ya Msumbiji na Tanzania, kwa upande mmoja na CCM na FRELIMO kwa upande mwingine, leo tarehe 19 Septemba 2024, Ofisi Ndogo ya Makao Makuu ya CCM, Lumumba, jijini Dar Es Salaam.
Katibu Mkuu wa Chama Cha Mapinduzi (CCM), Balozi Dkt. Emmanuel John Nchimbi amekutana na kufanya mazungumzo na Mkurugenzi Mkaazi wa Shirika la Friedrich Ebert Stiftung (FES) la nchini Ujerumani, Bwana Christian Denzin, aliyefika ofisini kwa Katibu Mkuu wa CCM kwa ajili ya kujitambulisha na kuzungumza mbalimbali ya kuimarisha uhusiano kati ya CCM na FES, leo tarehe 19 Septemba 2024, Ofisi Ndogo ya Makao Makuu ya CCM, Lumumba, jijini Dar ES Salaam.
Katibu Mkuu wa Chama Cha Mapinduzi (CCM), Balozi Dkt. Emmanuel John Nchimbi amekutana na kufanya mazungumzo na Balozi wa India nchini Tanzania, Mhe. Bishwadip Dey, kuhusu masuala mbalimbali ya kuimarisha uhusiano kati ya India na Tanzania, leo tarehe 19 Septemba 2024, Ofisi Ndogo ya Makao Makuu ya CCM, Lumumba, jijini Dar Es Salaam.
……………….
Serikali ya Tanzania imeendelea kusisitiza umuhimu wa kuimarisha uhusiano wa kimataifa kama njia ya kukuza uchumi na kuboresha maisha ya wananchi, hii ikiwa ni sehemu ya utekelezaji wa Ilani ya Chama Cha Mapinduzi (CCM) chini ya uongozi wa Rais Samia Suluhu Hassan. Katibu Mkuu wa CCM, Balozi Dkt. Emmanuel John Nchimbi, ameweka wazi msimamo huu wakati wa mikutano na mabalozi na viongozi mbalimbali wa kimataifa, iliyofanyika tarehe 19 Septemba 2024, jijini Dar es Salaam.
Balozi Nchimbi amesisitiza kuwa urafiki wa kidiplomasia unalenga kuboresha ushirikiano wa kimataifa kwa manufaa ya pande zote mbili, ikiwa ni nyanja ya kiuchumi, kijamii, na kubadilishana uzoefu katika masuala ya uongozi na demokrasia. Mkutano huu ulihudhuriwa na Balozi wa Brazil nchini Tanzania, Mhe. Gustavo Martins Nogueira, na Balozi wa India nchini Tanzania, Mhe. Bishwadip Dey, pamoja na Mkuu wa Idara ya Uhusiano wa Kimataifa wa FRELIMO kutoka Msumbiji, Komredi Alcinda Antonio de Abreu, na Mkurugenzi Mkaazi wa Shirika la Friedrich Ebert Stiftung (FES), Bwana Christian Denzin.
Katika mazungumzo yake na Balozi wa Brazil, Balozi Nchimbi alisisitiza umuhimu wa kuimarisha ushirikiano katika sekta za afya, kilimo, na michezo, akionesha kuwa Tanzania na Brazil zinahitaji kujenga nguvu ya pamoja kwa ajili ya maendeleo ya wananchi wa nchi hizo mbili. Aidha, mazungumzo na Balozi wa India yaligusia zaidi kwenye masuala ya teknolojia, biashara, na elimu, huku pande zote mbili zikionesha utayari wa kuimarisha ushirikiano wa kimkakati, ikizingatiwa India imepiga hatua kubwa kimaendeleo kwenye sekta hizo.
Kwa upande mwingine, uhusiano wa kihistoria kati ya Tanzania na Msumbiji uliangaziwa zaidi, ambapo Balozi Nchimbi na Komredi Alcinda Antonio de Abreu walikubaliana kuendeleza urafiki wa muda mrefu wa kisiasa na kiuchumi, kwa lengo la kuboresha maisha ya wananchi wa mataifa yote mawili. Hii inafuatia urafiki wa kihistoria uliowekwa wakati wa harakati za ukombozi wa Nchi za Kusini mwa Afrika.
Mkutano na Mkurugenzi Mkaazi wa FES nchini Tanzania ulihusu zaidi miradi ya mafunzo kwa viongozi wa CCM, lengo likiwa ni kuongeza uwezo na uzoefu wa viongozi katika nyanja za uongozi na demokrasia, ikiashiria ushirikiano wa muda mrefu kati ya CCM na shirika hilo la Ujerumani.
Huu ni mwendelezo wa juhudi za Serikali ya Tanzania kuhakikisha kuwa uhusiano wa kimataifa unachangia moja kwa moja katika maendeleo ya kiuchumi na kijamii ya watu wake, huku ikiboresha demokrasia na uongozi wa kitaifa.
