DKT. MPANGO AFUNGUA JUKWAA LA 24 NA MKUTANO WA 35 WA UNFCCC MKOANI ARUSHA

Makamu wa Rais wa Jamhuri ya Muungano wa Tanzania Mhe. Dkt. Philip Mpango pamoja na viongozi na washiriki mbalimbali wakiimba Wimbo wa Taifa wakati wa Ufunguzi wa Mkutano wa 35 wa Kamati ya Kudumu ya Fedha ya Mkataba wa Umoja wa Mataifa kuhusu Mabadiliko ya Tabianchi unaofanyika katika Kituo cha Mikutano cha Kimataifa cha Arusha (AICC). Tarehe 02 Septemba 2024.

Makamu wa Rais wa Jamhuri ya Muungano wa Tanzania Mhe. Dkt. Philip Mpango akishiriki katika Ufunguzi wa Mkutano wa 35 wa Kamati ya Kudumu ya Fedha ya Mkataba wa Umoja wa Mataifa kuhusu Mabadiliko ya Tabianchi unaofanyika katika Kituo cha Mikutano cha Kimataifa cha Arusha (AICC). Tarehe 02 Septemba 2024.

Makamu wa Rais wa Jamhuri ya Muungano wa Tanzania Mhe. Dkt. Philip Mpango akihutubia wakati wa Ufunguzi wa Mkutano wa 35 wa Kamati ya Kudumu ya Fedha ya Mkataba wa Umoja wa Mataifa kuhusu Mabadiliko ya Tabianchi unaofanyika katika Kituo cha Mikutano cha Kimataifa cha Arusha (AICC). Tarehe 02 Septemba 2024.

Makamu wa Rais wa Jamhuri ya Muungano wa Tanzania Mhe. Dkt. Philip Mpango akiwa katika picha ya pamoja na Wajumbe wa Kamati ya Fedha ya Umoja wa Mataifa mara baada ya Ufunguzi wa Mkutano wa 35 wa Kamati ya Kudumu ya Fedha ya Mkataba wa Umoja wa Mataifa kuhusu Mabadiliko ya Tabianchi unaofanyika katika Kituo cha Mikutano cha Kimataifa cha Arusha (AICC). Tarehe 02 Septemba 2024.

Makamu wa Rais wa Jamhuri ya Muungano wa Tanzania Mhe. Dkt. Philip Mpango akiwa katika picha ya pamoja na Kamati ya Maandalizi ya Mkutano wa 35 wa Kamati ya Kudumu ya Fedha ya Mkataba wa Umoja wa Mataifa kuhusu Mabadiliko ya Tabianchi unaofanyika katika Kituo cha Mikutano cha Kimataifa cha Arusha (AICC). Tarehe 02 Septemba 2024.

………………………

Happy Lazaro,Arusha .

Arusha .Makamu wa Rais wa Jamhuri ya Muungano wa Tanzania Dkt. Philip Isdor Mpango amefungua jukwaa la 24 na mkutano wa 35 wa kamati ya kudumu ya fedha ya mkataba wa umoja wa mataifa kuhusu mabadiliko ya tabianchi( UNFCCC), huku akikumbusha umuhimu wa usawa katika kukabiliana na masuala ya mabadiliko ya tabianchi.

Aidha Mpango amesema kuwa,Tanzania imeendelea kuhimiza ujumuishaji wa masuala ya jinsia na mabadiliko ya tabianchi kwenye sera, programu na mikakati yake katika ngazi mbalimbali za kiuongozi.

Amefafanua kuwa,uamuzi wa kuchagua Tanzania kuwa mwenyeji wa mkutano huo unaenda sambamba na dhamira ya Tanzania katika ufadhili wa kijinsia kwa ajili ya mabadiliko ya hali ya hewa nchini.

Aidha mkutano huo umeshirikisha wajumbe zaidi ya 200 kutoka nchi 80, huku akiipongeza kamati hiyo ya fedha kwa kusaidia uwiano na uratibu wa jitihada mbalimbali za udhibiti wa athari za mabadiliko ya tabianchi katika kutekeleza makubaliano ya mkataba wa kimazingira wa Paris.

aulimbiu ya mkutano huo inasema “Kuongeza kasi katika kukabiliana na mabadiliko ya tabianchi kupitia ufadhili unaozingatia Jinsia.

Amefafanua kuwa, uwepo wa mkutano huo mkoani Arusha utasaidia kuchunguza zaidi jinsi fedha zinazozingatia jinsia ya hali ya hewa inavyochangia katika kufikia malengo ya Mkataba wa Paris na malengo ya maendeleo endelevu na kusaidia kukabiliana na kukabiliana na hali ya hewa na hasara na uharibifu ambapo itachunguza pia mahitaji na vipaumbele vya vyanzo vya kukabiliana na hali ya hewa vinavyozingatia jinsia na zana ili kuongeza ufadhili wa hali ya hewa unaozingatia jinsia.

Ameongeza kuwa ,matokeo ya kongamano hili yanaweza kutoa taarifa ya mapitio ya utekelezaji wa programu ya kazi iliyoimarishwa kuhusu jinsia na Mpango wake wa Utekelezaji wa Jinsia utakaohitimishwa katika COP 29 huko Baku.

Mpango amefafanua kuwa,Tanzania imeendelea kuhimiza ujumuishaji wa masuala ya jinsia na mabadiliko ya tabianchi katika sera, programu na mikakati katika ngazi zote, na vipengele muhimu vya sera vinavyokuzwa ni pamoja na usawa wa kijinsia katika upatikanaji wa fursa za kiuchumi na kifedha kwa wanawake na wanaume kuweka mazingira wezeshi kwa wanawake kushiriki kikamilifu katika ngazi zote za uongozi na maamuzi.

Kwa upande wake Waziri wa nchi ofisi ya makamu wa Rais Muungano na mazingira Ashatu Kijaji amesema kuwa Tanzania inasimama kama ushahidi wa dhamira ya ushirikiano katika kushughulikia changamoto za kikanda na kimataifa.

“Napenda kuwashukuru kazi bora inayofanywa na Kamati ya Kudumu ya Fedha ya Umoja wa Mataifa kuhusu mabadiliko ya tabianchi na timu yetu ya kitaifa kwa maandalizi yao ya kina kwa mkutano huu , uhalisia wa mabadiliko ya tabianchi unatuletea hatari kubwa, ikijitokeza kupitia matukio makali ya hali ya hewa, ongezeko la joto, mvua zisizo za kawaida, dhoruba za kitropiki na mafuriko makubwa, kila moja ikihitaji athari kwa uchumi na mifumo ya ikolojia ya jamii zetu”amesema Kijaji.

Kijaji amesema changamoto hizi zinapelekea hasara kubwa na uharibifu wa miundombinu muhimu katika barabara na madaraja hadi huduma za maji na umeme huku zikitishia huduma muhimu zinazosaidia maisha ya jamii zenu, na kusababisha uhaba wa maji na chakula .

“Tanzania imejitolea katika kukabiliana na mabadiliko ya tabianchi kupitia mipango na sera mbalimbali, ikiwa ni pamoja na Sera ya Taifa ya Mazingira ya mwaka 2021, Mpango Mkuu wa Mazingira wa Kitaifa wa Miaka ya Mkakati kutoka mwaka 2022 hadi 2032, na Sera ya Taifa ya Uchumi wa buluu ya mwaka 2024, pamoja na nyingine nyingi. Pendekezo letu linajumuisha mradi wa kubadilika na kupunguza athari za hali ya hewa ili kuimarisha uendelevu.”amesema .

“Kauli mbiu ya mkutano huo inasema “Kuongeza kasi katika kukabiliana na mabadiliko ya tabianchi kupitia ufadhili unaozingatia Jinsia”amesema .