NA NOEL RUKANUGA, DAR ES SALAAM
Wekundu wa Msimbazi Sc imefanikiwa kuibuka na ushindi wa mabao 4 – 0 dhidi ya Fountain Gate katika mchezo wa Ligi Kuu ya NBC Tanzania Bara uliopigwa leo Agosti 25, 2024 katika Uwanja wa Halmashauri ya Manispaa ya Kinondoni (KMC) jijini Dar es Salaam.
Katika mchezo huo mabao ya Simba Sc yamefungwa na kiungo mzawa Edwin Charles Balua dakika ya 13, Mshambuliaji Mganda Steven Dese Mukwala dakika ya 44, kiungo Muivory Coast Jean Charles Ahoua dakika ya 58 pamoja na mshambuliaji mzawa Valentino Mashaka Kusengama dakika ya 81.
Kufatia matokeo hayo Simba Sc imekusanya pointi sita baada ya kucheza michezo miwili na kupanda kileleni mwa msimamo mwa ligi kuu NBC Tanzania Bara.
