Mjumbe wa halmashauri kuu ya CCM Taifa (MNEC) ambae pia ni Mbunge wa Jimbo la Ilemela Mhe Dkt Angeline Mabula amekabidhi shajara zenye thamani ya shilingi milioni saba na laki Moja na elfu sabini na tatu kwa makatibu wa CCM wa kata na matawi yaliyopo ndani ya Jimbo hilo ili kuwarahisishia utendaji kazi wao wa kila siku hasa kipindi hiki cha kuelekea uchaguzi wa Serikali za mitaa
Akizungumza wakati wa zoezi la makabidhiano lililofanyika katika ofisi za CCM wilaya ya Ilemela zilizopo kata ya Buswelu Mhe Dkt Angeline Mabula amesema kuwa ugawaji wa shajara za ofisi kwa watendaji wa chama hicho ni desturi yake kwani hata mwaka wa jana alifanya hivyo lengo likiwa ni kuongeza ufanisi katika kutekeleza shughuli za chama huku akiwataka watendaji hao kwenda kuvitumia vizuri vifaa hivyo kwa malengo yaliyokusudiwa
‘.. Huu ni utaratibu wangu wa kawaida kuunga mkono jitihada za watendaji wetu wa chama, Lakini pia watendaji wetu wakaongeze hamasa wananchi waweze kujiandikisha katika daftari la kudumu la mpiga kura ..’ Alisema
Aidha Mhe Dkt Mabula ametumia nafasi hiyo kukabidhi tiketi kwa watendaji wa chama ngazi ya kata na matawi kwaajili ya kushuhudia siku ya timu ya mpira wa miguu ya jijini Mwanza ya Pamba Jiji Jumamosi ya Agosti 10, 2024
Kwa upande wake Katibu wa CCM wilaya ya Ilemela Ndugu Hasan Milanga amemshukuru na kumpongeza Mbunge huyo kwa kutoa shajara hizo na kwamba vifaa hivyo vitawasaidia katika kutekeleza majukumu yao ya kila siku katika kukijenga na kukiimarisha chama cha mapinduzi
Mbunge Dkt Angeline Mabula mbali na kukabidhi shajara pia amekabidhi sare (Kombati) 50 kwa vijana wa itifaki na hamasa wa wilaya hiyo kama sehemu ya kuunga mkono juhudi zao na kuthamini kile wanachokifanya
