WAZIRI UMMY MWALIMU MJUMBE MAALUM WA RAIS SAMIA AWASILISHA UJUMBE KWA RAIS WA MAURITANIA

Mhe. Ummy Mwalimu (Mb), Waziri wa Afya na Mjumbe Maalum wa Mhe. Dkt. Samia Suluhu Hassan, Rais wa Jamhuri ya Muungano wa Tanzania leo tarehe 11.07. 2024 amewasilisha ujumbe maalum wa Mhe. Rais Samia kwa Mhe. Mohamed Ould Ghazouani, Rais wa Jamhuri ya Mauritania.

Ujumbe wa Rais Samia umepokelewa na Mhe. Mohamed Bilal, Waziri Mkuu wa Jamhuri ya Mauritania.

Mhe. Bilal baada ya kupokea ujumbe huo maalum kwa niaba ya Rais Ghazouani alisema kuwa, atamfikishia ujumbe huu maalum Mhe. Rais na amezipongeza nchi mbili hizi kwa ushirikiano wa kidugu uliodumu kwa muda mrefu.

Kwa upande wake Mhe. Ummy Mwalimu ameipongeza Serikali ya Mauritania kwa mapokezi mazuri ambayo wameipatia timu ya ujumbe maalum wa Dkt.Samia na ameahidi kuendeleza mashirikiano yaliyopo baina ya nchi hizi mbili.