Na Mwandishi Wetu
Wakongwe wa soka nchini, Sekilojo Chambua, Bakari Malima ‘Jembe Ulaya’, Joseph Kaniki “Gorota” na Athumani Idd Chuji wametabiri ushindani mkubwa wa ligi kuu ya England, La Liga na Serie A kutokana na zoezi linaloendelea la usajili wa wachezaji mpaka sasa.
Mbali ya mashindano hayo, wakongwe hao pia wamesema timu nne zilizoingia nusu fainali ya mashindano ya Mataifa ya Ulaya zina uwezo mkubwa wa kutwaa ubingwa wa michuano hiyo.
Wakongwe hao walisema hayo wakati wa uzinduzi wa msimu mpya wa ligi kuu za soka wa DStv uliopewa jina la DStv uliopwa jina la Mbungi Bampa2Bampa.
Chamnbua ambaye ni shabiki wa timu ya Liverpool, alisema kuwa ni vigumu kwa Manchester City chini ya kocha Pep Guardiola kutwaa ubingwa huo mara nne mfululizo.
“Timu nyingi zimejiandaa vizuri na malengo makubwa ni kutwaa ubingwa, timu yangu ya Liverpool pamoja na kuwa na kocha mpya, bado malengo ni kutwaa ubingwa, jambo ambalo naamini hata kwa timu za Arsenal, Manchester United na Chelsea zimejipangwa kwa ajili ya kutwaa ubingwa,” alisema Chambua.
Maoni ya Chambua yaliungwa mkono na Chuji, Kaniki na Malima. Kwa upande wa fainali za Euro 2024, Malima alisema kuwa timu zote nne, Hispania, Ufaransa, England na Uholanzi zina nafasi kubwa ya kutwaa ubingwa.
“Mimi ni shabiki wa Hispania, pamoja na kupendelea timu yangu kutwaa ubingwa, bado natoa nfasi kwa timu nyingine nazo kutwaa ubingwa kwani timu zote nne zimeonyesha viwango vizuri,” alisema Malima.
Kwa upande wake, Mkuu wa Masoko wa MultiChoice Tanzania Ronald Shelukindo alisema kuwa ili kuendelea kupa burudani mashabiki wa soka, wamepunguza gharama za kujiunga na DStv ambapo sasa ni sh49,000 ambapo unapata king’amuzi, dishi, na vifaa vyote vya kufungia DStv.
Shelukindo alisema kuwa wateja wa kifurushi cha DStv Bomba cha sh 24,000 watashuhudia mechi mbili za EPL, La Liga na Serie A kila wiki, huku wateja wa kifurushi cha DStv Shangwe watashuhudia mechi zote za La Liga na Serie A, huku wakishuhudia meci 2 EPL na baadhi ya mechi za UCL.
Alisema kuwa kwa wateja wa DStv Compact na kuendelea watapata fursa ya kushuhudia mechi zote za EPL, Serie A, La Liga huku wale wateja wa DStv Compact Plus wao mbali na mech izote hizo, watashuhudia michuano ya Ligi ya mabingwa Ulaya.
