………………
Na Sixmund Begashe – Serengeti
Naibu Katibu Mkuu Wizara ya Maliasili na Utalii anayeshughulikia Maliasili, Kamishna Benedict Wakulyamba, amewasili Hifadhi ya Taifa Serengeti, Mkoa wa Mara kwa ziara ya kikazi, ya kukagua shughuli za uhifadhi, kuzungumza na Menejimenti ya Shirika la Hifadhini za Taifa Tanzania (TANAPA) pamoja na kuzungumza na Askari wa Uhifadhi.
Katika Kiwanja kidogo ndege Fort Koma, CP. Wakulyamba amepokelewa na Naibu Kamishna wa Uhifadhi na Maendeleo ya Biashara TANAPA, Massana Mwishawa, kisha kukutana na Menejimenti ya TANAPA pamoja na askari wa Uhifadhi kwa lengo la kupata uelewa wa pamoja wa masuala ya Uhifadhi endelevu na uongozi.
Aidha, aikiwa ameambatana na Mkurugenzi wa Kitengo cha Uratibu wa Jeshi la Uhifadhi na Misitu ACC. Fidelis Kapalata, CP. Wakulyamba anatarajiwa kufunga mafunzo ya awali ya Jeshi la Uhifadhi kwa Maafisa na Askari wapya 217.
