Waziri wa Ulinzi na Jeshi la Kujenga Taifa, Mheshimiwa Dkt. Stergomena Lawrence Tax (Mb), tarehe 26 Juni 2024 ameungana na kuongoza Waombolezaji Katika Makao Makuu ya Jeshi la Wananchi Msalato, jijini Dodoma, kuaga mwili wa marehemu Brigedia Jenerali Andrew Chakila aliyefariki Dunia tarehe 23 Juni, 2024.
Akitoa salamu za rambirambi, Mheshimiwa Waziri Tax ameelezea kuguswa na msiba huo na kusema kuwa Taifa limepoteza Shujaa aliyelitumikia Taifa kwa Umahiri Mkubwa, na Marehemu Brigedia Jenerali Chakila ameacha pengo kubwa kwa familia yake na Taifa kwa ujumla, na akatoa kutoa pole kwa Mke wa marehemu Brigedia Jenerali Chakila, familia, ndugu na marafiki.
Aidha akatoa pole kwa Mkuu wa Majeshi Jenerali Jacob Mkunda, kwa niaba ya Wanajeshi wote wa Jeshi la Wananchi wa Tanzania.
