Shirika la Hifadhi za Taifa Tanzania(TANAPA), Shirika la Utangazaji Tanzania (TBC) pamoja na wadau mbalimbali kutoka Tanzania wanashiriki Mkutano wa sita wa vijana katika Utalii ulioanza jana tarehe 28/05/2024 jijini Windhoek – Namibia. Mkutano huu umehudhuriwa na vijana zaidi ya 30 kutoka mataifa mbalimbali Duniani.
Kwa siku ya kwanza mkutano huo umegusia masuala muhimu ya
Utalii, Ujasiriamali na Uwekezaji ambayo yametolewa na washiriki kutoka Mataifa mbalimbali. Mkutano huo utakaofanyika kwa siku nne kuanzia Mei 28 hadi 31 Mei, 2024 umejikita kuwanoa vijana hao katika masuala ya utalii na uwekezaji ili wawe msingi imara katika kukuza sekta ya Utalii barani Afrika na Dunia kwa ujumla.
