MRADI WA MAJI BUTIMBA WAITEKA KAMATI YA SIASA MKOA WA MWANZA

Wajumbe wa Kamati ya Siasa Mkoa wa Mwanza, wakimsikiliza Meneja miradi wa MWAUWASA,Celestine Mahubi (kulia),leo walipoakagua chanzo cha maji Butimba.

Meneja miradi wa MWAUWASA, Celestine Mahubi (aliyeva suti) akiwaonesha nulia jambo wajumbe wa Kamati ya Siasa ,leo katika Mradi wa Maji Butimba.

Kamati ya Siasa ya CCM Mkoa wa Mwanza ikikagua mradi wa Butimba unaozalisja maji lita milioni 48 kwa siku.

Mwenyekiti wa CCM Mkoa wa Mwanza, Michael Masnja ‘Smart’ akizungumza na watumishi wa MWAUWAS wakiwemo wananchi wa Butimba (hawapo pichani), leo baada ya Kamati ya Siasa kukagua maendeleo ya chanzo cha maji Butimba.

Kaimu Mkurugenzi wa MWAUWASA, Neli Msuya akizungumza na wajumbe wa Kamati ya Siasa (kulia), leo, walipoakagua mradi wa chanzo cha Maji Butimba.

………………….

NA BALTAZAR MASHAKA,MWANZA

KAMATI ya Siasa ya Chama Cha Mapinduzi (CCM),Mkoa wa Mwanza imeridhishwa na ukamilishwaji wa mradi wa maji wa Butimba na ufanisi wake.

Mwenyekiti wa CCM Mkoa wa Mwanza,Michael Masanja ‘Smart’amedhihirisha hayo leo,baadaya kukagua miradi ya maendeleo wilayani Nyamagana.

“Tumekuja kuangalia maendeleo ya mradi huu wa maji wenye manifaa na tija kwa wananchi kwa wananchi wa Jiji na pembezoni,tumefarijika kuona umekamilika ni mzuri na unatoa maji,kwa niaba ya kamati tunawapoongeza na tumeridhika nao,” amesema Smart na kuongeza;

“Maelekezo ya CCM kwa MWAUWASA hakikisheni mnaharakisha mpango wa usambazaji maji mradi ulete matokeo yanayokusudiwa na kuwanufaisha wananchi sambamba na kuusimamia kwa karibu uwe endelevu.”

Aidha amempongeza kaimu mkurugenzi wa MWAUWASA kwa kazi kubwa ya usimamizi na kuagiza utunzwe uwe endelevu na kuelekeza wananchi wasambaziwe huduma ya maji vinginevyo mradi hautakuwa na maana

Naye Mwenyekiti kwa CCM Wilaya ya Nyamagana, Peter Bega, amesema maji ni kilio cha muda mrefu cha wananchi wa Jiji la Mwanza,kitakuwa chachu ya ushindi wa CCM katika uchaguzi wa serikali za mitaa na uchaguzi mkuu mwakani.

Amesema chanzo cha Butimba kukamilika kwake kutakisaidia chanzo Capripoint kuzalisha maji na hivyo wanazo sababu za kuwaeleza wananchi za kuichagua CCM pia Dk.Samia Suluhu Hassan kutokana na kutekeleza miradi ya kimkakati kwa weledi mkubwa.

Amesema CCM itafanya kila linalowezekana wananchi wapate maji ukizingatia amfanya kazi kubwa ya kukiheshimisha Chama na MWAUWASA kwa wananchi.

Awali akitoa taarifa ya mradi kwa Kamati,Kaimu Mkurugenzi wa MWAUWASA,Neli Msuya amesema pamoja na kukamilika,mradi wa Butimba na kutoa huduma ya maji,hatua inayofuatia ni ya kuboresha mfumo wa usambazaji maji kwa kuongeza mtandao wa bomba na kujenga matangi makubwa ya kuhifadhia maji.

Ameainisha maeneo yatakayojengwa matangi hayo kuwa ni Buhongwa na Fumagila ya ujazo wa lita milioni 10 kila moja, Nyamazobe na Kisesa kila moja lita milioni 5 na Usagara milioni 1.

“Kazi kubwa iliyobaki baada ya mradi kukamilika kwa asilimia 100 ni kusambaza maji kwa wananchi kupitia vituo viwili cha kutoka katika chanzo na kingine cha Sahwa, hivyo tunamshukuru Rais wetu Dk. Samia Suluhu Hassan kwa kuendelea kuipa Sekta ya Maji kipaumbele cha kipekee,” amesema

Neli amesema awamu ya pili ya mradi ni kufanya uzalishaji wa maji katika chanzo cha Butimba kwa kutumia nguvu ya umemejua ambapo kwa sasa Butimba inazalisha lita milioni 48 huku Capripoint kikizalisha lita milioni 90 kwa simu na kufanya jumla ya lita milioni 138.

Kwa mujibu wa Neli,mradi wa Maji Butimba ulianza kutekelezwa Februari 2021 na ulikamilika Oktoba 31,2023,unatarajiwa kukabidhiwa rasmi kwa MWAUWASA Oktoba mwaka huu,ulo

chini ya uangalizi wa mkandarasi SOGEA SATOM.ssss