Waziri wa Ujenzi, Innocent Bashungwa akisalimiana na Balozi wa China nchini
Tanzania, Chen Mingjian wakati walipokutana na kufanya mazungumzo kuhusu
ushirikiano wa masuala mbalimbali katika Sekta ya Ujenzi baina ya nchi hizo mbili, jijini Dar es Salaam Mei 20, 2024.
Waziri wa Ujenzi, Innocent Bashungwa akimkabidhi zawadi ya picha ya ukutani Balozi wa China nchini Tanzania, Chen Mingjian mara baada ya kufanya mazungumzo kuhusu ushirikiano wa masuala mbalimbali katika Sekta ya Ujenzi baina ya nchi hizo mbili, jijini Dar es Salaam Mei 20, 2024.
Balozi wa China nchini Tanzania, Chen Mingjian akimkabidhi zawadi Waziri wa Ujenzi, Innocent Bashungwa, mara baada ya kufanya mazungumzo kuhusu ushirikiano wa masuala mbalimbali katika Sekta ya Ujenzi baina ya nchi hizo mbili, jijini Dar es Salaam Mei 20, 2024.
Waziri wa Ujenzi, Innocent Bashungwa akizungumza jambo na Balozi wa China nchini Tanzania, Chen Mingjian (kulia) wakati walipokutana na kufanya mazungumzo kuhusu ushirikiano wa masuala mbalimbali katika Sekta ya Ujenzi baina ya nchi hizo mbili, jijini Dar es Salaam Mei 20, 2024.
Balozi wa China nchini Tanzania, Chen Mingjian akifafanua jambo kwa Waziri wa
Ujenzi, Innocent Bashungwa pamoja na viongozi wengine wa Wizara ya Ujenzi (hawapo pichani), katika kikao kazi kilichowakutanisha na kuzungumzia kuhusu ushirikiano wa masuala mbalimbali katika Sekta ya Ujenzi baina ya nchi hizo mbili, jijini Dar es Salaam Mei 20, 2024.
Mwakilishi wa Katibu Mkuu wa Wizara ya Ujenzi Mhandisi Alois Matei akiwa na
Mtendaji Mkuu wa Wakala wa Barabara (TANROADS), Mhandisi Mohamed Besta,
pamoja na Msajili wa Bodi ya Usajili ya Wahandisi (ERB), Mhandisi Bernard Kavishe
wakifuatilia mazugumzo baina ya Waziri wa Ujenzi, Innocent Bashungwa na Balozi wa China nchini Tanzania, Chen Mingjian (hawapo pichani), katika kikao kazi cha kujadiliana ushirikiano wa masuala mbalimbali katika Sekta ya Ujenzi baina ya nchi hizo mbili, jijini Dar es Salaam Mei 20, 2024.
Waziri wa Ujenzi, Innocent Bashungwa akiwa na Balozi wa China nchini Tanzania, Chen Mingjian (kushoto) wakati walipokutana na kufanya mazungumzo kuhusu ushirikiano wa masuala mbalimbali katika Sekta ya Ujenzi baina ya nchi hizo mbili, jijini Dar es Salaam Mei 20, 2024.
………..
Tanzania na China zimekubaliana kuimarisha ushirikiano katika utekelezaji wa miradi mikubwa ya ujenzi wa miundombinu ya barabara na madaraja kwa kuyawezesha Makampuni ya Tanzania kupewa sehemu ya kazi za ujenzi kutoka kwa Makampuni ya Kichina yatakayopewa kazi ya kutekeleza miradi ya ujenzi nchini.
Makubaliano hayo yamefikiwa leo Mei 20, 2024 jijini Dar es Salaam wakati wa Waziri
wa Ujenzi, Innocent Bashungwa pamoja na Balozi wa China nchini Tanzania, Chen
Mingjian walipokutana na kufanya mazungumzo kuhusu ushirikiano wa masuala
mbalimbali katika Sekta ya Ujenzi baina ya nchi hizo mbili.
Bashungwa ameeleza kuwa ushirikiano huo utakuwa katika maboresho ya vipengele vya zabuni na mikataba ya ujenzi itakayosainiwa ambapo itakuwa ni moja ya mkakati wa Serikali wa kuongeza ushiriki wa Makandarasi na Washauri Elekezi Wazawa kwenye utekelezaji wa miradi.
Aidha, Waziri Bashungwa amejadiliana na Balozi Mingjian juu ya baadhi ya kampuni za Makandarasi za China zinazotekeleza miradi kwa kusuasua na kuzitaja kampuni mbili ambazo ni China Railway Seventh Group (CRSG) na STECOL Corporation na ameeleza kuwa tayari hatua mbalimbali za kimkataba zimeanza kuchukuliwa.
Kwa upande wake, Balozi wa China nchini, Mhe. Chen Mingjian ameeleza jinsi China
inavyouthamini ushirikiano uliopo kati ya Tanzania na China na kumuahidi Waziri
Bashungwa kuendelea kutoa fursa kwa Makandarasi wazawa katika utekelezaji wa
miradi nchini.
Amefafanua kuwa Tanzania na China ina zaidi ya miaka sitini ya ushirikiano wa
kidiplomasia ambao umeleta mapinduzi ya kimaendeleo, hivyo wanao wajibu wa
kuendeleza ushirikiano huo ili kukuza uchumi wa mataifa hayo katika Siasa, Uchumi na Utamaduni.
Mazungumzo hayo yamehudhuriwa na viongozi mbalimbali kutoka Wizara ya Ujenzi na Ubalozi wa China nchini Tanzania wakiongozwa na Mwakilishi wa Katibu Mkuu wa Wizara ya Ujenzi Mhandisi Aloyce Matei ambaye ni Mkurugenzi wa Barabara pamoja na timu ya watalaam kutoka kwa Wakala wa Barabara (TANROADS) wakiongozwa na Mtendaji Mkuu Mhandisi Mohamed Besta.
