Naibu Waziri wa Afya Zanzibar Mhe. Hassan Khamis Hafidh akipata maelezo kutoka kwa Afisa Maabara Kemikali kutoka Taasisi ya viwango ZBS Sahiya Abdalla Khamis alipotembelea maonesho ya kazi za maabara huko viwanja vya Kisonge Mjini Unguja ikiwa ni wiki ya maabara ambayo hufikia kilele chake kila ifikapo April 21 duniani kote.
Naibu Waziri wa Afya Zanzibar Mhe. Hassan Khamis Hafidh akipata maelezo kutoka kwa Mwanafunzi wa skuli ya Afya na sayansi za tiba (SUZA) kada ya maabara tiba ngazi ya shahada ya kwanza alipotembelea maonesho ya kazi za maabara huko viwanja vya Kisonge Mjini Unguja ikiwa ni wiki ya maabara ambayo hufikia kilele chake ifikapo April 21 duniani kote.
Afisa uhamasishaji mpango wa damu salama Dkt. Omar Said akizungumza na waandishi wa habari (hawapo pichani) wakati walipotembelea maonesho ya kazi za maabara huko viwanja vya Kisonge Mjini Unguja ikiwa ni wiki ya maabara ambayo hufikia kilele chake ifikapo April 21 duniani kote.
Naibu Waziri wa Afya Zanzibar Mhe. Hassan Khamis Hafidh akizungumza na waandishi wa habari (hawapo pichani) wakati walipotembelea maonesho ya kazi za maabara huko viwanja vya Kisonge Mjini Unguja ikiwa ni wiki ya maabara ambayo hufikia kilele chake ifikapo April 21 duniani kote.
PICHA NO.03:- Naibu Waziri wa Afya Zanzibar Mhe. Hassan Khamis Hafidh akipata maelezo kutoka kwa Afisa wa Idara ya mifugo alipotembelea maonesho ya kazi za maabara huko viwanja vya Kisonge Mjini Unguja ikiwa ni wiki ya maabara ambayo hufikia kilele chake ifikapo April 21 duniani kote. (PICHA NA FAUZIA MUSSA-MAELEZO ZANZIBA)
……..
Na Rahma Khamis Maelezo
Naibu Waziri wa Afya Zanzibar Mhe Hassan Khamis Hafidh amewataka wataalamu wa maabara kutoa huduma kama wanazozitoa katika manyesho ili wananchi wapate huduma bora .
Ameyasema hayo wakati alipotembelea mabanda ya maonesho ya kazi za maabara katika Uwanja wa Kumbukumbu Kisonge wilaya ya Mjini ikiwa ni wiki ya maabara iliyoanzia April 16.
Amesema Wizara imejipanga kuhakikisha wananchi wote wanapata huduma za uhakika hivyo amewataka wataalamu hao kuendelea kutoa huduma katika taasisi zao kama alivyoziona katika maonesha hayo.
“Huduma mnazozitoa hapa ni nzuri sana mweyewe nimeona nakuombeni muendelee kuzitoa huduma hizi katika taasisi zenu ili wananchi wasilalamike kuwa wamekosa huduma,” alisisitiza Naibu Waziri.
Nae Afisa Mtaalamu wa Maabara kutoka Baraza la wataalamu Time Hassan amesema kuwa kwa kushirikiana na wizara ya afya wameshiriki maonesho hayo ili jamii iweze kutambua kazi zinazofanywa na maabara pamoja na umuhimu wake.
Kwa upande wake Afisa Mhamasishaji Mpango wa Damu Salama Dokt Omar Said Omar amewahamasisha wananchi kujitokeza kuchangia damu kwa lengo la kuawasaidia wengine.
“Sisi kama Kitengo tutahakikisha wananchi wanapima na kuchangia damu kwa wale wenye vigezo ili kuokoa maisha ya watu wanaohitaji kwa vile damu ndio kila kitu katika maisha yetu,”alisisitiza Dkt Omar.
Akizungumzia kuhusu vigezo vya kuweza kuchangia damu Dkt Omar amefafanua kuwa kwa mwanamme lazima awe na wingi wa damu usiopungua 13 .5 ambapo kwa mwanamke ni 12.5 na asiwe na maradhi endelevu.
Maadhimisho ya siku ya Maabara Duniani hufanyika kila ifikapo April 21 ambapo Kaulimbiu ya mwaka huu ni “Maabara ni Kila Kitu”
