Video: Chanzo Ikulu/ Azam Tv
“Jengine ni kusimamia kero za Wananchi, Mwenezi Makonda amezunguka na mmeona mfano Wananchi wana kero kadhaa nyingine nyepesi za kutatuliwa kule chini lakini hawasikilizwi…na wasiposikilizwa zile ndizo kura zetu, wasiposikilizwa na msipowasikiliza akipita mwengine akawaambia mimi nitawasikiliza basi watampa…kwamba sisi tumewapuuza hatuwasikilizi”
“Kwa Wananchi ndipo ulipo ushindi wa Chama (CCM) kilichokuwekeni vinginevyo mkifanya vingine badi wengine watakwenda wabebe ushindi waondoke nao”
“Kwahiyo niwasisitize sana kuwasikiliza Wananchi, kuna wakuu wa Mikoa na hapa nataka niwapongeze na wala wasiote vichwa maana sitawataja wajijue tuu kwamba kila wanapokwenda kusikiliza kero za Wananchi mimi napatiwa clip video zao na nasikiliza anawasikilizaje, utatuzi anaotoa.. kwahiyo wao wapo wanaofanya mara kwa mara..kwahiyo wale ambao mnafanya mijini tuu hamuendi kule vijijini embu nendeni mkawashtukize Wakuu wa Wilaya asijue kama unakwenda..Wananchi wana shida sana nendeni muwasikilize”
Mhe. Dkt. Samia Suluhu Hassan Mwenyekiti wa CCM na Rais wa Jamhuri ya Muungano wa Tanzania ameyasema hayo leo Machi 13, 2024 wakati akizungumza katika hafla fupi ya Uapisho wa Viongozi mbalimbali wa Serikali iliyofanyika Ikulu Jijini Dar es salaam.
