Mbunge wa Jimbo la Ilala na Naibu Spika wa Bunge la Jamhuri ya Muungano wa Tanzania Mheshimiwa Mussa Azzan Zungu tarehe 07 Machi, 2024 ameshirikiana na Umoja wa Vijana wa CCM (UVCCM) Kata ya Kariakoo kukabidhi vitendea kazi ikiwemo mavazi maalum yanayotumika wakati wa shughuli zao (Apron) kwa baadhi ya Mama Lishe wa Kata ya Kariakoo
Mhe. Zungu ametumia nafasi hiyo ikiwa ni sehemu ya kuelekea kilele cha maadhimisho ya siku ya Wanawake Duniani tarehe 08 Machi, 2024 huku akiipongeza Jumuiya ya Vijana (UVCCM) Kata ya Kariakoo kwa kushirikiana na Uongozi wa Kata hiyo kwa kuona umuhimu wa kuwawezesha kina-mama wa Kata ya Kariakoo katika mahitaji yao mbalimbali
Aidha, ziara hii ni awamu ya pili kwa Mhe. Zungu kuwaunga mkono kina mama hao kwani awamu ya kwanza aliwakabidhi majiko ya gesi yatakayowawezesha kurahisisha utoaji wa huduma zao ndani ya Kata ya Kariakoo.
Ziara hiyo ya Mhe. Mbunge wa Jimbo la Ilala na Naibu Spika wa Bunge la Jamhuri ya Muungano wa Tanzania Mheshimiwa Mussa Azzan Zungu ilihudhuriwa na Viongozi wa mbalimbali wa Kata ya Kariakoo wakiongozwa na Mwenyekiti wa Kata hiyo Ndg. Tiny Tiny akiambatana na viongozi na watendaji wa Serikali ndani ya Kata hiyo
Wengine katika ziara hiyo ni Umoja wa Vijana kata ya Kariakoo wakiongozwa na Mwenyekiti wa Vijana Kata hiyo Ndg. Zakia Chaurembo akiambatana na Katibu wake Ndg. Daniel Safari sambamba na viongozi wa vijana wa matawi wa Kata ya Kariakoo.
