Kiwanda cha Sukari cha Mkulazi kilichopo wilayani Kilosa mkoa wa Morogoro Kimeingiza rasmi shehena ya Sukari Sokoni zitakazosaidia kupunguza uhaba wa sukari uliopo katika maeneo mbalimbali hapa Nchini.
Akizungumza wakati wa zoezi la upakiaji wa mifuko ya sukari yenye ujazo wa Kg25 Afisa mwandamizi wa masoko na mauzo wa kiwanda cha sukari Mkulazi Milkasia Joseph amesema tayari kiwanda kimeshafanya utambuzi wa wateja kwa sukari ya mtumizi ya majumbani ambapo sukari hiyo imeanza kupatikana mkoa wa morogoro.
Kwa upande wake Afisa uhusiano kampuni hodhi ya Mkulazi Clementina Patrick amesema kiwanda hicho kimejipanga kuwafikishia watanzania wote sukari hiyo kwa bei elekezi ya serikali huku meneja wa kiwanda cha sukari Mkulazi Mhandisi Aron Mwaigaga akaelezea namna zoezi la Uzalishaji wa Sukari linavyoendelea ili kupunguza Nakisi ya Sukari iliyopo hivi sasa.
