VIJANA walio kwenye mradi wa Jenga Kesho yako iliyo Bora (BBT) katika shamba la Chinangali tarehe 27 Januari 2024 wameungana na Watanzania wengine kumtakia heri na baraka Mhe. Rais Dkt. Samia Suluhu Hassan kwenye siku yake ya kuzaliwa.
Idadi kubwa ya vijana walikata na kula keki, kupata vinywaji kwa pamoja kisha kuimba nyimbo za kumbariki Mhe. Rais Dkt. Samia huku wakimshukuru kwa kuwasaidia kupata mashamba hayo.
Akizungumza kwa niaba ya vijana wa BBT, Katibu wa BBT- Chinangali, Bw. Innocent Zerote, amesema kuwa uamuzi wa Mhe. Rais Dkt. Samia kuwapatia mashamba na tena kuwaweka kwenye nyumba nzuri za kuishi umekuwa mkombozi kwa maisha yao.
Naye Naibu Waziri wa Kilimo, Mhe. David Silinde aliyekuwa kwenye ziara ya kikazi shambani hapo alijumuika na vijana hao kusherehekea siku hiyo ya kuzaliwa kwa Mhe. Rais Skt. Samia na kutumia wasaha huo kuzungumza na vijana hao.
“Nilikuja kwa ajili ya shughuli za kikazi hapa shambani na nikakuta kumbe mna jambo lenu hili, niwatake mfanye kazi na muendeleze mradi huu”
