Timu ya Taifa ya Tanzania, Taifa Stars leo Januari 21, 2024 saa 2:00 usiku inatarajia kushuka dimbani dhidi ya timu ya Taifa ya Zambia kusaka pointi tatu katika michuano ya Kombe Mataifa ya Afrika (AFCON) yanayoendelea nchini Ivory Coast.
Ikumbukwe kwamba Taifa Stars ambayo ipo kundi F katika mchezo wa kwanza ilipoteza kwa kufungwa mabao 3-0 dhidi ya Morocco, hivyo leo wanaitaji ushindi ili kufufua matumaini ya kutinga hatua ya 16.
Akizungumza mchezo huo Kaimu Kocha Mkuu wa timu ya Taifa Stars, Hemed Morocco, amesema kuwa vijana wako tayari huku akieleza kuwa wamejiandaa vizuri na tayari kuna mambo madogo madogo katika kikosi wameyarekebisha.
Nae Kaimu Kocha Msaidizi wa Taifa Stars, Juma Mgunda, amesema kuwa mechi itakuwa ngumu lakini vijana wako tayari, tutapambana na kupata matokeo.
