Na Abel Paul, Jeshi la Polisi Arumeru-Arusha.
Jeshi la Polisi limesema baadhi ya watafiti wa masuala ulinzi na usalama duniani wameonyesha michezo kuwa ni sehemu ya kupunguza uhalifu duniani huku likisema litaendelea kutumia Michezo mbalimbali kutoa elimu ya ushirikishwaji jamii katika kupambana na uhalifu.
Hayo yamesema na Mkuu wa Polisi Wilaya ya Arumeru Mrakibu mwandamizi wa Polisi SSP James Msenga wakati wa Bonza la Police day lilofanyika Wilayani humo ambapo amebanisha kuwa umekuwa ni utamaduni wa Jeshi la Polisi kuandaa michezo kama hiyo ili kuwaleta jamii pamoja na kubadilisha taarifa mbalimbali.
Ameongeza kuwa michezo hiyo imehusisha askari wa Jeshi la Polisi na wananchi huku akitumia tumia fursa hiyo kuwakumbusha askari wa Jeshi hilo kutoa huduma bora Kwa wananchi wanaolitegemea sana Jeshi hilo.
katika Mchezo ulionza mapema Leo viwanja vya Silverleaf Academy vilivyopo Wilaya ya Arumeru Mkoa wa Arusha ni kati ya Wakaguzi na askari wa vyeo mbalimbali ambapo askari wa vyeo mbalimbali wameibuka na ushindi wa goli nne Kwa mbili dhidi ya wakaguzi wa Jeshi hilo.
Wakiongea mara baada ya mchezo huo manaodha na walimu wa timu zote mbili wamesema mchezo ulikuwa mzuri Kwa pande zote mbili huku naodha wa timu ya askari wa vyeo mbalimbali Bilham Kimati akibainisha kuwa mbinu za mwalimu na juhudi binafsi zimefanya waibuke na ushindi.
Naodha wa timu ya wakaguzi Mkaguzi msaidizi wa Polisi Ramadhani Msangi akijinasbu kuwa wanajipanga Kwa michezo ijayo ambapo amesema askari wa vyeo vya chini wasubili kichapo kutoka kwao.
Wafungaji wa timu ya askari wa vyeo mbalimbali ni copolo wa Polisi Yusuph Msungu,Rajabu Vuai konstable wa Polisi Elbariki Tile na kopolo Swalehe Mwanja mwingine ni konstable wa Polisi Abdulazizi Kizazi.
Wafungaji wa timu ya wakaguzi ni Ramadhani Msangi na Mafimbo Mserikali ambao waliifungia timu ya wakaguzi magoli mawili huku wakitamba kufanya vizuri mechi zijazo.
Michezo mingine iliyochezwa katika mashindano hayo ya bonza la Police Day ni Ulinzi shirikishi na Polisi Polisi veterani ambapo ulinzi shirikishi wameibuka na ushinidi wa magoli manne dhidi ya Polisi veterani.
Michezo mingine iliyosisimua na kuibua shangwe ni kukimbia na yai kuvuta kamba ambayo ilisherehesha michezo hiyo
