DKT. NCHIMBI: FANYENI KAZI KWA KARIBU NA WATENDAJI WA SERIKALI

Katibu Mkuu wa Chama cha Mapinduzi (CCM) Ndugu Dkt. Emmanuel John Nchimbi akilakiwa na Viongozi na wanachama wa CCM Mkoa wa Dar Es Salaam alipowasili katika Viwanja Vya Mnazi Mmoja kuzungumza na Wanachama wa CCM Mkoani humo.

Katibu Mkuu wa Chama cha Mapinduzi (CCM) Ndugu Dkt. Emmanuel John Nchimbi, akizungumza na Naibu Katibu Mkuu wa CCM Bara Ndg. Anamringi Macha katika Viwanja Vya Mnazi Mmoja kuzungumza na Wanachama wa CCM Mkoani humo.

Katibu Mkuu wa Chama cha Mapinduzi (CCM) Ndugu Dkt. Emmanuel John Nchimbi, Naibu Katibu Mkuu wa CCM Bara Ndg. Anamringi Macha (kulia) Pamoja na Mwenyekiti wa CCM Mkoa wa Dar Es Salaam ndg Abasi Mtemvu akicheza nyimbo ya CCM katika Viwanja Vya Mnazi Mmoja,

Katibu Mkuu wa Chama cha Mapinduzi (CCM) Ndugu Dkt. Emmanuel John Nchimbi.

Wanachama na Viongozi waliowasili Kumlaki Katibu Mkuu wa Chama cha Mapinduzi (CCM) Ndugu Dkt. Emmanuel John Nchimbi wakifuatilia Mkutano.

Katibu Mkuu wa Chama cha Mapinduzi (CCM) Ndugu Dkt. Emmanuel John Nchimbi, Akihutubia wana-CCM wa Dar es salaam baada ya kupokelewa kwa nderemo na vifijo katika Viwanja Vya Mnazi Mmoja, Jijini Dar Es Salaam Leo Januari 20, 2024.( Picha na Fahadi Siraji wa CCM)

………………………….

Na Sophia Kingimali

Katibu Mkuu Chama Cha Mapinduzi CCM Taifa Dkt. Emmanuel Nchimbi amewataka viongozi wa chama hicho kufanyakazi kwa karibu na watendaji wa serikali kwa weredi na si kwa kiburi.

Hayo ameyasema leo januari 20,2024 wakati akipokelewa rasmi Jijini Dar es Salaam tangu alipoteuliwa kwenye nafasi hiyo.

Amesema chama hakipaswi kukwepa wajibu wake wa kuisimamia serikali lakini kinapaswa kusimami kwa kufuata weredi.

“Chama cha mapinduzi kitaendelea kutimiza ahadi zake na kuisimamia serikali na naahidi kushirikiana na viongozi wenzangu kukiimarisha chama lakini pia kuhakikisha hatumuangushi Rais wetu”Amesema.

Akizungumzia maandamano amesema wananchi na wanaCCM wanapaswa kuyapuuza maandamano hayo kwani hayana tija kwa taifa.

Amesema kukimbilia kwenye maandamano ni dalili ya uoga kwani uongozi thabiti unapimwa kwa kutekelezaji na hoja.

“Kukimbilia kwenye maandano ni dalili ya uoga na kushindwa niwasihi wana CCM na wananchi kwa ujumla wanapoona maandamano yao wajue wameshindwa kufikiri kupitia ubongo wao sasa wanafikiri kupitia miguu yao”Dkt Nchimbi Katibu mkuu CCM.

Aidha ametoa rai kwa vyama vya siasa kuendelea kushirukiana na CCM ipo tayar kushirikiana na chama chochote cha siasa na milango ya ofisi yake ipo wazi.

Amesema viongozi hao wasiasa na wana CCM wanapaswa kuyaeleza mazuri yaliyofanywa na serikali bila aibu.

“Hakuna sababu ya chama kutopata ushindi katika uchaguzi wa serikali ya mitaa na uchaguzi mkuu 2025″amesema

Kwa upande wake mwenyekiti wa CCM mkoa wa Dar es salaam Abas Mtevu amesema chama kinatarajia kushinda kwa kishindo mitaa yote 574 ya mkoa wa huo.

Nae Mkuu wa Mkoa wa Dar es salaam Albert Chalamila amesema wanatekeleza kwa vitendo ilani ya chama hiko hivyo viongozi wanapoanza kampeni hawatapata tabu kujieleza kwa wananchi badala yake kazi zinajieleza zenyewe”

“Tunatekeleza ilani vizuri ili chama kisipate tabu na hata mvua zilizonyeesha leo tunawaahidi wananchi kesho miundombinu yote iliyoleta shida leo kesho itakuwa sawa”amesema Chalamila.