Mbunge wa Jimbo la Ilemela Mhe Dkt Angeline Mabula akiaga mwili wa aliyekuwa mjumbe wa kamati ya siasa wilaya ya Ilemela Marehemu Dominick Kajara Sengo nyumbani kwake Msumbiji kata ya Kawekamo 9549: Mbunge wa Jimbo la Ilemela Mhe Dkt Angeline Mabula akizungumza na waombolezaji katika msiba wa aliyekuwa mjumbe wa kamati ya siasa wilaya ya Ilemela Marehemu Dominick Kajara Sengo nyumbani kwake Msumbiji kata ya Kawekamo
……………………
Mbunge wa Jimbo la Ilemela na Mjumbe wa halmashauri kuu ya CCM taifa Mhe Dkt Angeline Mabula ameongoza waombolezaji katika ibada ya kumuaga aliyekuwa mjumbe wa kamati ya siasa wilaya ya Ilemela Dominick Kajara Sengo aliyefariki kwa ajali ya kugongwa na gari
Akizungumza katika viwanja vya nyumba ya marehemu Msumbiji kata ya Kawekamo, Dkt Angeline Mabula amesema kuwa marehemu alikuwa mtu mwenye msimamo juu ya kile alichokiamini, mkweli, mpenda haki na aliyejitoa sana kwaajili ya shughuli za chama chake na Serikali
‘.. Familia imepoteza, Jamii imepoteza lakini chama pia kimempoteza mtu muhimu sana, Naweza kusema pengo la Dominick haliwezi kuzibika labda tu apatikane wa kufanana nae ..’ Alisema
Aidha Dkt Mabula ameihakikishia ushirikiano familia ya marehemu kuanzia siku ya msiba, wakati wa taratibu za maziko na hata baada na kwamba milango yake iko wazi muda wote kushirikiana na familia hiyo Kwa jambo lolote linalohusu familia
uchaguzi
Nae mjumbe wa halmashauri kuu ya CCM taifa kutokea mkoa wa Mwanza Ndugu Jamal Babu ameongeza kuwa marehemu Dominick Kajara Sengo alikuwa mtu wa kujiamini na kutetea kile alichodhani ni sahihi na kwamba CCM mkoa wa Mwanza imempoteza mtu wake muhimu Kwa ustawi wa chama hicho ndani ya mkoa huo kwani alikuwa mjumbe wa Kamati ya maadili wilaya hivyo kukisaidia chama ngazi ya mkoa katika kufanya kwa wepesi mapendekezo ya wagombea wake nyakati za uchaguzi
Mhe Hasan Elias Masala ni Mkuu wa wilaya ya Ilemela, Yeye amemuelezea marehemu kama mtu muhimu na mwenye mchango mkubwa kwa Serikali na chama kwa ngazi ya wilaya na kwamba ameshirikiana nae mara nyingi katika vikao kama mjumbe mwenzake wa Kamati ya siasa huku akimpa pole mbunge wa Jimbo Dkt Angeline Mabula hilo kutokana na ukaribu alikuwa nao na marehemu
Nae Mkuu wa wilaya ya Mbulu Mhe Kheri Denis James amemuelezea marehemu kama mtu mwenye mchango mkubwa kwa watu wengi na aliyesaidia kufanikiwa kwa ndoto za vijana wengi wa Ilemela na nje huku akiasa kuenziwa kwa mchango wake huo katika jamii
Viongozi mbalimbali wamejitokeza na kushiriki ibada ya kumuaga marehemu Dominick Kajara Sengo akiwemo Jonathan Mabihya Katibu wa CCM mkoa wa Kilimanjaro, Amos Shimba Katibu wa CCM wilaya ya Simanjiro, Mary Moha Katibu wa CCM wilaya ya Kahama, Nehemia Philemoni Katibu wa UVCCM wilaya ya Ubungo, Marehemu atazikwa siku ya Ijumaa ya Desemba 29, 2023 nyumbani kwao Kahama mkoa wa Shinyanga
Bwana ametoa, Bwana ametwaa, Jina la Bwana Lihimidiwe
