“Tumuunge mkono sana Mwenyekiti wetu wa CCM Taifa ambaye ni Rais wa Tanzania Dkt. Samia Suluhu Hassan, kwa heshima aliyotupa wana Mbinga kuniteua mimi mtoto wenu zawadi pekee ninayoomba ni kumpatia Rais wetu Mhe. Dkt. Samia kura za kishindo kutoka Mbinga ifakapo chaguzi za mwaka 2024/25.”
“Tuweke mikakati na tukatae watu wanaokuja kutudanganya, nasikia huwa wanapitapita huko, Wazee wangu tusiruhusu hayo mambo ya kudangwa, tunacho Chama (CCM) kinachoeleweka kilichotuletea Uhuru ambapo mpaka leo hii kinasuka mipango yote ya Maendeleo kwa Wananchi na Taifa letu kwa Ujumla.”
“Chama Cha Mapinduzi ndicho pekee kinachosikiliza Wananchi wake visitokee vyama vingine vikatuvuruga tuendelee kukiunga mkono na kumuunga mkono Rais wetu Dkt. Samia Suluhu Hassan anayetokana na Chama hiki na safu yake nzima ya Uongozi.”
“Tusiinge mkono CCM kwa maneno tuu bali hata kutoka moyoni na kwa Vitendo vyetu, Samia Oyeeee, UWT Oyeee, CCM Oyeee.”
“UWT tutakuja hapa Ruvuma kuwasikiliza Wananchi na kutambua kero na Changamoto zao, niwahakikishie Mwenyekiti wetu Mama Mary Chatanda anaaapenda sana na amenituma niwape salamu zake.”
*Ndugu. Jokate Mwegelo*
Katibu Mkuu wa UWT Taifa
Akizungumza na Wananchi wa Wilaya ya Mbinga Mkoani Ruvuma, leo tarehe 14 Disemba, 2023.
