Na Mwandishi Wetu, Dodoma.
TIMU ya soka ya Mamlaka ya Dawa na Vifaa tiba (TMDA) maarufu kama TMDA FC imeendeleza kichapo kwa kuicharaza timu ya soka ya Chuo cha Teknolojia Dar es Salaam (DIT) kwa jumla ya mabao 2 kwa sifuri katika mashindano ya SHIMMUTA yanayoendelea Jijini Dodoma.
Mchezo huo umechezwa leo saa 2:00 asubuhi katika uwanja wa Wajenzi Jijini Dodoma.
Akizungumza mara baada ya mchezo huo Kapteni wa timu ya TMDA Bw Denis Mwangomo ameeleza kuwa timu yake ilikuwa inahitaji sana matokeo katika mchezo wa leo ili kujiweka katika mazingira ya kufuzu hatua inayofuata.
“Tunamshukuru Mungu kwa kupata matokeo mechi ya leo. Mchezo ulikuwa mgumu kwa sababu timu hizi mbili zinafahamiana zote zinashiriki ligi ya DSL. Tuliwaheshimu wapinzani wetu na tulifuata maelekezo ya mwalimu tukafaniwa kupata magoli 2.
Mchezo huo umeshapita na sasa tunaangalia mchezo wetu uliobaki wa makundi ambao utaamua hatma ya timu itakayofuzu hatua ya mtoano.
Mashindano ya SHIMMUTA yameanza kuanzia tarehe 12 Novemba, 2023 na yanatarajiwa kuendelea hadi tarehe 25 Novemba, 2023.
