Na Sophia Kingimali
Waziri wa Maliasili na Utalii, Angellah Kairuki ametangaza tarehe ya maonesho ya nane ya Swahili International Tourism Expo – S!TE, 2024 kuwa ni Oktoba 11-13 na kuwataka wadau kutoa maoni ili kuboresha maonesho yajayo lakini waandaaji kuyaboresha zaidi ili kupata washiriki wengi kutoka sehemu mbalimbali duniani.
Waziri Kairuki ametoa kauli hiyo leo Oktoba 8,2023 katika siku ya mwisho ya Maonesho ya Saba ya Swahili International Tourism Expo- S!TE 2023 wakati akifunga maonesho hayo jijini Dar es Salaam.
Aidha kairuki mewashukuru wadau wote walioshiriki kwenye maonesho ya mwaka huu ambapo amesema bila ushiriki wao lisingeweza kufanyika kwa kiwango na ubora mkubwa kama lilivyofanyika.
Ameipongeza Mamlaka ya Wanyamapori Tanzania (TAWA) kwa kupamba maonesho hayo kwa kuandaa bustani ya wanyamapori hai ambayo imekuwa kivutio kikubwa kwa watu waliotembelea.
Aidha amewaomba wadau kutoa maoni kuhusu maonesho ya mwaka huu ili yasaidie kuboresha maonesho ya mwakani na kuyafanya kuwa ya kimataifa.
“Maboresho haya yatatujenga na kutusaidia kutuingiza katika maonesho makubwa ya kimataifa kama vile world tourism Market.” amefafanua Kairuki
Aidha Kairuki amesema pamoja na kazi kubwa ya kuboresha miundombinu iliyofanywa na kusaidia kuleta watalii pia amefafanua kuwa ongezeko kubwa la watalii nchini limetokana na kazi nzuri iliyofanywa na Rais wa Jamhuri ya Muungano wa Tanzania, Mhe. Dkt. Samia Suluhu Hassan kupitia filamu ya “The Royal Tour”. Filamu hiyo ILIONYESHWA
