PSSSF YATANGAZA FURSA ZA KUPANGISHA MAJENGO YAKE MAKUBWA KWA AJILI YA BISHARA, OFISI NA MAKAZI MAONESHO YA SITE 2023

K-VIS BLOG, MLIMANI CITY

MAONESHO
ya 7 ya Swahili International Expo Tourism (S!TE) 2023, yaliyoanza Oktoba 6, 2023, kwenye ukumbi wa Mlimani City jijini Dar es Salaam, yanakamilika leo Oktoba 8, 2023.

Waandaaji wa Maonesho hayo, Bodi ya Utalii Tanzania (TTB) walieleza kuwa lengo la maonesho hayo ni kuwakutanisha wafanyabiashara (wawekezaji) wa hapa nchini, lakini pia wa nje ya nchi.

Mfuko
wa Hifadhi ya Jamii kwa Watumishi wa Umma ni mdau mkubwa kwenye uwekezaji na
kupitia Maonesho hayo umeshiriki ili kutangaza fursa zinazotokana na uwekezaji
wa Mfuko hususan kwenye majengo makubwa ya Biashara na Makazi.

Mkurugenzi
Mkuu wa Bodia ya Utalii Tanzani (TTB), Bw. Damas Mfugale, amesema mwaka huu
Serikali inategemea kusaini mikataba itakayowezesha ongezeko kubwa la watalii
na wafanyabiashara ya utalii kutoka nje wanaotarajiwa kuja nchini.

Mfuko
umewekeza kwenye majengo makubwa ya biashara na makazi, kwenye miji yote
mikubwa kama vile Dar es Salaam, Arusha, Mwanza na Mtwara na majengo yote hayo
yako kwenye maeneo ya kimkakati na yanayofaa kwa shughuli za kiofisi, biashara
na hata makazi.

Watumishi wa PSSSF (kulia), wakieleza fursa zinazotokana na uwekezaji wa Mfuko hususan kwenye majengo makubwa ya Biashara na Makazi kwenye miji mikubwa hapa nchini, wakati wa maonesho ya Kimataifa ya Utalii S!TE ukumbi wa Mlimani City jijini Dar es Salaam.