Na Hellen Mtereko, Mwanza
Wafugaji na wafanyabiashara wa ng’ombe wamepewa elimu juu ya kutunza mifugo yao ili isiingie kwenye mashamba hatua itakayosaidia kuepukana na migogoro isiyokuwa ya lazima kati yao na wakulima.
Elimu hiyo ilitolewa Jana Jumatano Septemba 6, 2023 na Mkaguzi msaidizi wa Jeshi la Polisi Mkoa wa Mwanza Damas Naftal, katika eneo la mnada wa mifugo lililopo Kata ya Nyaguge Wilaya ya Magu Mkoani hapa.
Pamoja na kutoa elimu hiyo pia aliwasihi waendelee kutoa taarifa za uhalifu na wahalifu kwa Jeshi la Polisi
