Ofisa mtendaji Mkuu wa klabu ya Simba SC Bw. Imani Kajula ametangaza kuwa jezi mpya za Simba SC za msimu wa 2023/24 zitazinduliwa rasmi Julai 22, 2023 Katika kilele Cha mlima Kilimanjaro mkoani Kilimanjaro.
Jukumu la kupeleka jezi Katika kilele Cha mlima Kilimanjaro amekabidhiwa Meneja wa idara ya habari na mawasiliano wa Simba SC Ahmed Ally.
Kajula amesema hayo Leo jijini Dar es salaam wakati Simba SC ikiingia ushirikiano na benki ya NMB iliyosambaza huduma zake za kibenki nchi mzima Kwa ajili ya kufungua Account za mashabiki wake (Simba Account) ambayo itampa mwanachama faida mbalimbali ikiwemo shabiki kupata bima ya maisha na mikopo ya gharama nafuu.
Kajula amesema jezi zitazinduliwa ijumaa Katika kilele Cha mlima Kilimanjaro na jumamosi zitaanza kuuzwa,Simba wamefanya hivyo ikiwa ni ishara ya kutaka Afrika nzima waone jezi hizo kwani mlima Kilimanjaro ndio sehemu ya juu Zaidi ambayo ukiwa kileleni ni kama unaiona Afrika nzima hasa katika sekta ya utalii.
Kama ambavyo wakati wote timu ya Simba inaposhiriki michuano ya kimataifa imajivika jukumu la kuutangaza utalii wa Tanzania kwa kuvaa jezi zenye maamdishi (Visit Tanzania) kifuani jambo ambalo limepelekea mataifa mengi duniani kuijua Tanzania na kufuatilia vivutio vyake kupitia ukumbe huo ambao umekuwa ukipigiwa upatu na Simba.
