Zoezi la ukamataji wa Simba waliokula mifugo takribani 30 katika Kijiji cha Bukore Wilayani Serengeti, limefanikisha kukamatwa kwa Simba mmoja Dume mkubwa leo May 11,2023 katika eneo la Kijiji hicho ambaye anapelekwa katika Hifadhi ya Taifa ya Serengeti.
Afisa Uhusiano Mkuu wa Mamlaka ya Usimami wa Wanyamapori (TAWA), Vicky Kamata @vickykamatalikwelile amesema kwamba Simba huyo ni mzima hajauawa bali amechomwa sindano maalum ya usingizi alale ili aweze kuwekwa kwenye gari na kusafirishwa kwenda Hifadhi ya Serengeti.
Vicky Kamata amesema zoezi hilo limeratibiwa na TAWA kwa kushirikiana na Wadau wengine wa uhifadhi wakiwemo SENAPA, Grumeti Fund na Ofisi ya DGO.
