……………………
Imeelezwa kuwa kundi la watoto ndilo kundi linaloathirika zaidi kuliko makundi mengine katika mabadiliko tabia nchi hapa nchini .
Hayo yameelezwa jijini Dar es Salaam na Afisa Ushauri elekezi kutoka Shirika la Forum CC Baraka Machumu wakati wa mdahalo wa kuangalia madhara wanayopata watoto yanayotokana na mabadiliko tabia nchi.
Baraka amesema kati ya kundi la wazee na vijana kundi la watoto limekuwa likikosa haki zao za msingi kutokana na mabadiliko tabia nchi ikiwemo kukosekana elimu bora ,magonjwa na haki ya kucheza.
Kwa upande wao baadhi ya watoto walioshiriki mdahalo huo wamesema wameweza kupata elimu ya kutosha kuhusu athari za mabadiliko tabia nchi na wao wanakuwa mabalozi kuweza kutoa elimu hiyo kwa watoto wenzao.
Shirika la Forum CC wanatengeneza jukwaa la watoto kuweza kujifunza na kuelewa mabadiliko tabia nchi na namna gani watoto wanaweza kupaza sauti kuhusu mabadiliko tabia nchi.
