Mkurugenzi wa Msama Promotion Bw. Alex Msama akizungumza na waandishi wa habari Katika mkutano uliofanyika Leo Viwanja vya Leaders Kinondoni.
Mwimbaji Emmanuel Mabisa akizungumza Katika mkutano huo.
………………………………….
Waimbaji wa nyimbo za injili kutoka ndani na nje ya Nchi wanatarajia kushiriki katika tamasha la kuiombea Nchi na Rais wa Jamhuri ya Muungano wa Tanzania Samia Suluhu Hassan ili Nchi iendelee kuwa na amani, Novemba 6 mwaka huu.
Akizungumza na waandishi wa habari Mratibu wa tamasha hilo ambaye pia ni Mkurugenzi Msama Promotion, Alex Msama amesema Tamasha hilo litazinduliwa rasmi Mkoani Mwanza na litafanyika kwa mikoa mitano.
“Tamasha litafanyika Mkoani Mwanza na kupambwa na waimbaji kama Christine Shusho, Rose Mhando na Zabron Singer’s na waimbaji wengine wengi.”
“Tamasha hilo linatarajia kufanyika kuanzia Novemba 6 mwaka huu, na kuzunguka kwenye mikoa mitano ya Tanzania lengo likiwa kumshukuru Mungu hadi hapa tulipofika.” amesema Msama
Naye Emmanuel Mabisa amesema kuwa tamasha hilo halitaangalia dini wa chama watanzania wajitokeze kwa wingi kuombea nchi yao pamaja na Rais wetu.
