……………………….
Katibu Mkuu Shirika la Umoja wa Mataifa la Utalii Duniani (UNWTO), Bw. Zurab Pololikashvili amewasili nchini tayari kwa Mkutano wa 65 wa UNWTO Kanda ya Afrika utakaofanyika jijini Arusha kuanzia kesho tarehe 5 hadi 7 Oktoba, 2022.
Akiwasili uwanja wa Ndege wa Kimataifa wa Kilimanjaro (KIA), kiongozi huyo amepokelewa na Waziri wa Maliasili na Utalii Mhe. Balozi Dkt. Pindi Chana, viongozi mbalimbali wa Shirika hilo pamoja Serikali na wadau wa Utalii nchini.
