Copco veterani Fc vs Alliance Fc wakichuana katika uwanja wa Nyamagana .
…,………………….
Na Hellen Mtereko, Mwanza
Timu ya Copco veterani imeibuka na ushindi wa bao (3-0) dhidi ya Alliance FC katika michuano ya utalii cup inayofanyika katika uwanja wa Nyamagana Jijini Mwanza.
Mabao ya timu ya Copco veterani Fc yalifungwa na Juma Nade dakika ya 38,Agustino Chalamba dakika ya 58 na Selemani Ramadhani dakika ya 79.
Kwaupande wake kocha wa timu ya Copco veterani Fc Faisali Hau, amesema yeye kama mwalimu wakishirikiana vizuri na benchi la ufundi wataboresha zaidi katika kuinua vijana wao kwani wanauwezo mkubwa.
“Nilikuwa siangalii Sana kuhusu ushindi ila nilikuwa naangali vijana wangu wanachezaje kwani ni mechi yetu ya kwanza kuelekea msimu huu wa champion ship, lengo letu sisi ni kuibuka washindi kwenye mashindano haya ili tuweze kuitoa Mwanza kimasomaso”,amesema Hau
Ally kayoga ni kocha wa Alliance Fc amesema wamepoteza mchezo huo kutokana na mashindano hayo kufika wakati wachezaji wao hawajafika.
” Sisi tumepoteza mechi hii kwasababu ya wachezaji tuliokuwanayo tusingeweza kuacha kuja kushiriki kwasababu sisi ni watu wa mwanza hivyo inakuwa siyo jambo jema,tunaitumia hii nafasi kwakuangalia vipaji vingine ili tuje kuwaunganisha na wale ambao tukaowasajili, lakini tunaaamini kuanzia mechi ijayo ushindani utakuwa mzuri zaidi”, amesema Kayoga
Naye Katibu mkuu wa chama cha mpira Mkoa wa Mwanza Leonard Malongo, amesema lengo la mashindano hayo ni kuviandaa vikosi vya daraja la kwanza ili viweze kuwa na maandalizi mazuri kabla ya msimu kufunguliwa pamoja na kuhamasisha utalii wa ndani.
