Na Mwandishi wetu
Dar es Salaam. Kampuni ya kutengeneza dawa ya meno ya Dentaweiss Mauritius imewazawadia washindi wa shindano maalum lililoendeshwa wakati wa maonyesho ya biashara ya Sabasaba.
Washindi hao ni Jacqueline Titus, mkazi wa Tabata na Mohammed Esmail ambaye ni mkazi wa Kariakoo.
Jacqueline alishinda simu ya mkononi aina ya Samsung Galaxy A12 yenye thamani ya Sh500,000, fulana na kifurushi cha chenye dawa hizo.
Kwa upande wake, Esmail alizawadiwa kifurushi chenye dawa hizo na zawadi nyinginezo mbalimbali.
Akizungumza wakati wa makabidhiano hayo Mkurugenzi wa kampuni hiyo, Sohail Singh alisema kuwa wamefurahi sana kushiriki katika maonyesho ya Sabasaba na kuwazawadia wateja wao ambao baada ya kuchezesha droo maalum.
Bw Singh alisema kuwa wataendelea kushiriki katika maonyesho hayo sambamba na kuwazawadia wateja wao ambao wamekuwa nguzo muhimu katika soko.
“Kwa kweli tumefurahi na tumeweza kupanua soko la bidhaa zetu. Tumevutiwa na wateja na tutaendelea kushiriki katika maonyesho haya,”alisema Bw Singh.
Kwa upande wake, Jacqueline alisema kuwa amefurahi kushinda zawadi hiyo ya simu baada ya kununua bidhaa katika banda hilo.
Naye Bw Esmail aliipongeza kampuni hiyo kwa kuuza dawa yenye ubora wa hali ya juu mbali ya kushinda zawadi mbalimbali.
Mkurugenzi wa kampuni Dentaweiss Mauritius Sohail Singh (kulia) akimkabidhi zawadi ya mshindi wa kwanza Jacqueline Titus.
Mkurugenzi wa kampuni Dentaweiss Mauritius Sohail Singh (kushoto) akimkabidhi zawadi ya Bw Mohammed Esmail
Mkurugenzi wa kampuni Dentaweiss Mauritius Sohail Singh (katikati) katika picha ya pamoja na washindi wa shindano maalum la kampuni hiyo, Bw Mohammed Esmail (Kulia) na Jacqueline Titus.
KAMPUNI YA DENTWEISSY MAURITIUS YAWAZAWADIA WASHINDI WA SHINDANO MAALUM
