………………..
NA MUSSA KHALID
Jeshi la Polisi Kanda Maalum ya Dar es salaam limemkamata Selemani Malima Mkazi wa Keko Mwanga kwa tuhuma za mauaji ya mke wake Husna Majaliwa (21), aliyekuwa mkazi wa Goba kwa Awadhi kwa kumchoma na kitu chenye ncha kali tumboni.
Akizungumza leo na waandishi wa habari jijini Dar es salaam Kamanda Wa Polisi Kanda Maalum Dar es saalam (ACP) Muliro Muliro na kusema tukio hilo limetokea Juni 12 mwaka huu huko maeneo ya Goba, Kinondoni na mara baada ya tukio hilo mtuhumiwa alitoweka.
Kamanda Muliro amesema kuwa uchunguzi wa awali umeonesha kulikuwa na mgogoro wakifamilia baina ya wawili hao na mtuhumiwa alifika nyumbani kwa wazazi wa marehemu kumsalimia mzazi mwezake pamoja na mtoto wakati wakiwa katika maongezi ndipo mtuhumiwa alimshambulia kwa kisu mke wake na kumsabishia kifo.
Aidha Kamanda Muliro amesema Jeshi hilo lilifanya ufuatiliaji wa kina na tar 18 July mwaka huu lilifanikiwa kumkamata mtuhumiwa huyo huko Mbande Jijini Dodoma alipokuwa amejificha na baada ya mahojiano ya kina, mtuhumiwa ameonesha kisu alichotumia kumuua mke wake.
Jeshi hilo limesema uchunguzi wa shauli hilo unakamilishwa na mtuhumiwa anatafikishwa mahakani haraka izwekanavyo.
