CHUO KIKUU CHA SOKOINE CHALETA MUAMKO MKUBWA KWA VIJANA KUPENDA MASOMO YA UJASIRIAMALI

Makamu Mkuu wa Chuo Kikuu cha Sokoine cha Kilimo (SUA) Profesa Raphael Chibunda (wa kwanza kulia) akiwa na Naibu Makamu Mkuu wa Chuo Taaluma Chuo Kikuu cha Dar Es Salaam Profesa Boniventure Rutinwa (wa pilikulia) wakizungumza jambo walipokuwa wakiangalia Bidhaa za mbogamboga zilizozalishwa na wanafunzi wa SUA kwenye maonesho ya vyuo vikuu yanayofanyika Mnazi Mmoja Jijini Dar es Salaam.

Makamu Mkuu wa Chuo Kikuu Sokoine cha Kilimo (SUA) Profesa Raphael Chibunda kushoto na Profesa Boniventure Rutinwa Naibu Makamu Mkuu wa Chuo Taaluma Chuo Kikuu cha Dar es Salaam wakiangalia matunda mbalimbali na mbogamboga zinazozalishwa na wanafunzi wa chuo hicho.

Profesa Boniventure Rutinwa Naibu Makamu Mkuu wa Chuo Taaluma Chuo Kikuu cha Dar es Salaam akizungumza jambo na Makamu Mkuu wa Chuo Kikuu Sokoine cha Kilimo (SUA) Profesa Raphael Chibunda alipotembelea banda la chuo cha SUA kwenye maonesho ya vyo vikuu yanayofanyika Mnazi Mmoja jijini Dar es Salaam.

Dkt Nyambilila Amuri Mkurugenzi wa Kurugenzi ya Dhahada ya Awali (SUA) akizungumza na baandhi ya wanafunzi waliotembelea kwenye banda la chuo hicho katika maonesho ya vyuo vikuu Mnazi Mmoja.

Baadhi ya wanafunzi wakiendelea na Udahili kwa wanafunzi wanaotaka kujiunga na Chuo Kikuu cha Kilimo Cha Sokoine Mkoani Morogoro.

Profesa Boniventure Rutinwa Naibu Makamu Mkuu wa Chuo Taaluma Chuo Kikuu cha Dar es Salaam na Makamu Mkuu wa Chuo Kikuu Sokoine cha Kilimo (SUA) Profesa Raphael Chibunda wakimsikiliza Dkt. Nyambilila Amuri Mkurugenzi wa Kurugenzi ya Dhahada ya Awali (SUA) walipotembelea banda la chuo hicho kwenye maonesho ya vyo vikuu yanayofanyika Mnazi Mmoja jijini Dar es Salaam.

Makamu Mkuu wa Chuo Kikuu cha Kilimo Sokoine (SUA) Profesa Raphael Chibunda (wa tatu kushoto) akiwa katika picha ya pamoja na watumishi wa Chuo hicho kwenye Banda lao katika Maonesho hayo Jijini Dar es Salaam.

Bi. Suzana Magobeko Afisa Mawasiliano na Masoko Chuo Kikuu Sokoine cha Kilimo mkoani Morogoro akifuatilia kwa makini wakati maofisa Udahili wa chuo hicho Mawesa Nicholaus kulia na Grace Kihombo wakiendelea na kudahili wanafunzi katika banda la chuo hicho.

Bi. Suzana Magobeko Afisa Mawasiliano na Masoko Chuo Kikuu Sokoine cha Kilimo mkoani Morogoro akielekeza jambo kwa wakati maofisa Udahili wa chuo hicho Mawesa Nicholaus kushoto na Abel Magembe wakiendelea na kudahili wanafunzi katika banda la chuo hicho.

Bi. Suzana Magobeko Afisa Mawasiliano na Masoko Chuo Kikuu Sokoine cha Kilimo mkoani Morogoro akiwa ameshika moja ya joho lililoshonwa a wanafunzi wa chuo hicho.

………………………………

Mkurugenzi wa Kurugenzi ya Shahada za awali Chuo Kikuu Sokoine cha Kilimo (SUA) cha mkoani Morogoro Dkt. Nyambilila Amuri amesema kuwa kumekuwepo na muamko mkubwa kwa vijana kutaka kusoma masomo ya ujasiriamali hususani kilimo Biashara. kutoakana na fursa za kujikwamua kiuchumi zilizopo kwenye sekta hiyo.

Dkt. Nyambilila ameyasema hayo katika mahojiano maalum na waandishi wa habari kwenye Banda la Chuo hicho katika maonesho ya 17 ya Elimu ya Juu, Sayansi na Teknolojia yaliyofunguliwa rasmi leo Julai 17,2022 na Waziri Mkuu wa Jamhuri ya Muungano wa Tanzania Mh. Kassim Majaliwa katika viwanja vya Mnazi mmoja Jijini Dar es Salaam.

Amesema kuwa katika kipindi cha hivi karibuni wameanzisha Programu ya Ujasiriamali wanafunzi “SUA STEP” ambapo wanafunzi wanajiunga kwenye vikundi na kuanzishisha Kampuni zao katika fani mbalimbali na kuweza kupata kazi za kuhudumia ndani ya Chuo huku wakiendelea na masomo yao ambapo pia inawasaidia kujipatia kipato.

“Katika Programu hii wanafunzi tunawapa fursa ya kupata kazi ndani ya Chuo badala ya kutafuta watoa huduma nje ya Chuo, lakini kwa wale wanaofanya Kilimo tunawapa Vitalu nyumba na eneo dogo la shamba kwa ajili ya kuzalisha na kupata muda wa kuendelea na masomo yao”

“Katika Programu hiyo tayari tumeshasajili vikundi vya wanafunzi 10 ambavyo tayari wameanzisha Kampuni hizo ndani ya Chuo na wataweza kupata kazi za Kilimo, Tehama, kazi ya kuboresha utunzaji wa kumbukumbu,pia kuna kazi za kuweka mifumo mbalimbali ya umwagiliaji kama ‘Drip Illigation’ ambazo kazi zote hizo zitafanyika kama sehemu ya mafunzo lakini watakuwa wanalipwa” amesema Dkt. Nyambilila.

Naye Mmoja wa wanufaika wa Programu hiyo Mary Mosha amesema kuwa amenufaika pakubwa na Programu hiyo ambayo yeye na wenzake walijikita kwenye kilimo biashara.

Ameongeza kuwa kuwa fursa hiyo itamuwezesha kufanya shughuli za kilimo biashara kwa kuzalisha bidhaa zenye ubora unaokubalika kimataifa na kwamba Chuo hicho kimewawezesha kuwatafutia masoko ya bidhaa zao katika maeneo mbalimbali ndani na nje ya nchi.

Kwa Upnde wake Afisa Mawasiliano na Masoko Chuo Kikuu Sokoine cha kilimo SUA Suzana Magobeko ametoa wito kwa wananchi wote na hususani vijana kujiunga na Chuo hicho ambacho kimejikita katika kutoa mafunzo na fani mbalimbli zitakazowasaidia vijana kujiajiri wenyewe ili kujiendesha katika shughuli zao za uzalishaji mali na kuongeza kipato kwa kukuza uchumi wao.