******************************
Sekretariet ya Halmashauri Kuu ya Taifa ikiongozwa na Katibu Mkuu wa CCM Ndugu Daniel Chongolo Jumanne 6 Julai 2021, imeshiriki maadhimisho ya miaka 100 ya kuzaliwa kwa Chama cha Kikomunisti cha China (CPC) lilifanyika katika Chuo cha “Mwalimu Julius Nyerere Leadership School” Kibaha, Mkoa Pwani.
Maadhimisho hayo yameongozwa na Mhe. Rais wa China Mhe, Xi Jinping kwa njia ya mtandao ambapo zaidi ya nchi 50 tofauti zimeshiriki ikiwemo Tanzania ikiwakilishwa na CCM.
Pamoja na Mambo Mengine Ndugu Chongolo ameeleza namna ambavyo Chama Cha CPC kimekuwa na ushirikiano wenye manufaa makubwa sana na CCM. Ushirikiano ambao umezaa matunda na urafiki wa kudumu.
Aidha amesema pamoja na urafiki wa vyama hivi viwili nchi ya China na Tanzania zimeendelea kushirikiana kwa karibu katika mambo mengi ya maendeleo toka mwaka 1963 ikiwemo ujenzi wa reli ya Tazara na kiwanda cha nguo cha Urafiki.
Udumu Urafiki wa China Tanzania
Kaziiendelee
Chamaimara
