Mkurugenzi Mtendaji wa Shirika la Rafiki SDO, Gelard Ng’ong’a akifungua kikao kazi cha wafanyakazi wa Shirika la Rafiki SDO ikiwa ni sehemu ya Sherehe ya Wafanyakazi wa Shirika hilo ‘Rafiki SDO Family Day’
Na Kadama Malunde – Malunde 1 blog
Shirika la Rafiki SDO limeadhimisha siku ya Familia ya wafanyakazi wa Shirika hilo ‘Rafiki SDO Family Day 2021’ kwa kukutana na wafanyakazi wake wanaotekeleza
miradi katika Manispaa ya
Musoma mkoani Mara, Rukwa na mkoa wa Shinyanga kwa ajili ya kufahamiana na
kuelezana mafanikio na changamoto walizopitia katika mwaka uliopita.
Rafiki SDO Family Day imeanza kwa kikao ambacho kimefanyika leo Jumamosi Februari 6,2021 katika
Ukumbi wa Shy Park Hotel Mjini Shinyanga ambapo Mgeni rasmi alikuwa Mkurugenzi
Mtendaji wa Shirika la Rafiki SDO, Gelard Ng’ong’a.
Akifungua kikao kazi hicho, Ng’ong’a alisema shirika la
Rafiki SDO limekuwa na utaratibu wa kukutana na wafanyakazi wake kila mwaka kwa
lengo la kufanya kikao cha pamoja na
kuwasilisha taarifa mbalimbali, kuwapa zawadi kwa wafanyakazi bora na kufanya
sherehe ya wafanyakazi kupongezana maarufu ‘Rafiki Family Day’.
“Katika kikao hiki tunafanya uwasilishaji wa shughuli
zinazofanywa na Rafiki SDO,kuchagua Rafiki wa Mwaka 2021 lakini pia kufanya
sherehe ya familia ya Rafiki SDO na kutoa zawadi kwa Rafiki wa mwaka”,alieleza
Ng’ong’a.
Aidha
alisema shirika la Rafiki SDO linaendelea kutekeleza Mpango Mkakati wa miaka
mitano ‘Strategic Plan 2020/2024’ unaojikita katika maeneo nane muhimu ikiwemo
sekta ya afya,elimu,maji na usafi wa mazingira,masuala ya jinsia,VVU na
UKIMWI,watoto wanaoishi katika mazingira magumu na uimarishaji wa shirika hilo.
Ng’ong’a alisema utendaji kazi bora wa wafanyakazi wa Rafiki
SDO ndiyo umesababisha shirika hilo liendelee kusifika kwa kazi nzuri ndiyo
maana mbali na ofisi ya Shinyanga Mjini pia wamefungua ofisi katika mikoa
mingine ikiwemo mkoa wa Mara (Musoma),
Rukwa na wilaya ya Kahama mkoani Shinyanga.
Aliwataka wafanyakazi kutekeleza majukumu yaliyowaleta katika shirika hilo na kuepuka kujiingiza katika vitendo vyovyote vya ukatili ndani na nje ya shirika sambamba na kuepuka vitendo vya udanganyifu wa aina yoyote huku akiwasisitza kufanya kazi kwa utii na heshima kwa kuzingatia sera za shirika na sheria za nchi.
Naye Mjumbe wa Bodi ya Shirika la Rafiki SDO , Happiness Misael ameuongeza uongozi wa shirika hilo namna linavyoongoza wafanyakazi wake ikiwa ni pamoja na kusimamia kikamilifu stahiki za watumishi wake.
Kwa upande wao wafanyakazi wa shirika la Rafiki SDO wamesema
kupitia kikao hicho wameweza kuifahamu Rafiki SDO na miradi mbalimbali
inayotekelezwa na shirika pamoja na kufahamiana.
Shirika la Rafiki SDO linatekeleza miradi mbalimbali mkoani Mara ,Rukwa na Shinyanga ukiwemo mradi wa Kuzuia na kupinga mimba na ndoa za utotoni ,Acha Wasome, Kupinga ajira za watoto migodini, Dreams na Tuwalee.
Mradi mwingine ni COVID-19 na EpiC unaojihusisha na masuala ya ukatili wa kijinsia, shughuli za kitabibu ikiwemo kupunguza maambukizi mapya ya Virusi vya Ukimwi, kuyafikia makundi maalumu kama wanawake wanaofanya biashara ya ngono na kuwapa elimu ya mabadiliko ya tabia na kuwawezesha kiuchumi.
ANGALIA PICHA HAPA CHINI
Mkurugenzi Mtendaji wa Shirika la Rafiki SDO, Gelard Ng’ong’a akifungua kikao kazi cha wafanyakazi wa Shirika la Rafiki SDO ikiwa ni sehemu ya Sherehe ya Wafanyakazi wa Shirika hilo ‘Rafiki SDO Family Day’ kilichofanyika katika Ukumbi wa Shy Park Hotel Mjini Shinyanga leo Jumamosi Februari 6,2021. Picha zote na Kadama Malunde – Malunde 1 blog
