Kiungo Mshambuliaji wa klabu ya Yanga Haruna Niyonzima akijaribu kumtoka nyota wa klabu ya Polisi Tanzania kwenye uwanja wa Uhuru Jijini Dar es Salaam.Yanga ilishinda bao 1-0.
Kiungo Mkabaji wa Klabu ya Yanga akishangilia baada ya kufanikisha kufunga bao dhidi ya Polisi Tanzania kwenye uwanja wa Uhuru Jijini Dar es Salaam.Yanga ilishinda bao 1-0.
Kiungo Mshambuliaji wa Simba Hasan Dilunga akijaribu kumtoka nyota kwa klabu ya Tanzania Prison katika uwanja wa Nelson Mandela Mjini Sumbawanga.Tanzania Prison ilifanikiwa kushinda bao 1-0.
***********************************
NA EMMANUEL MBATILO
Klabu ya Yanga leo imefanikiwa kuondoka na pointi tatu kwenye dimba la Uhuru Jijini Dar es Salaam baada ya kufanikiwa kuinyuka Polisi Tanzania bao 1-0.
Timu zote zilikwenda mapumziko zikiwa hazijapata kitu ambapo katika kipindi cha pili Yanga ilionekana kulisakama lango la Polisi Tanzania baada ya kufanya mabadiliko ya baadhi ya wachezaji ambao walionesha chachu ya upatikanaji wa bao,
Yanga ilifanikiwa kupata bao mnamo dakika ya 70 kupitia kwa kiungo wao raia wa Congo Mukoko Tonombe ambaye alipokea pasi murua kupitia kwa Farid Mussa na kuitendea haki bpasi hiyo.
Wakati kwa watani wao wa jadi Simba wakishikwa pabaya na Tanzania Prison Kwenye uwanja wa Nelson Mandela mjini Sumbawanga baada ya kupokea kichapo cha bao 1-0
