*******************************
NA EMMANUEL MBATILO
Katibu Msaidizi Idara Idara ya Siasa na Uhusiano wa Kimataifa (CCM) ambaye pia ni mdau wa Maendeleo Tanzania Bi.Mwantumu Mgonja amechukua fomu ya kuwania nafasi ya kugombea Ubunge katika Jimbo la Ubungo Jijini Dar es Salaam.
Akizungumza baada ya kuchukua fomu, Bi.Mwantumu amesema ameamua kuchukua fomu kwasababu wengi wanafahamu uwajibikaji wake hivyo atashirikiana na viongozi wa Chama kuhakikisha Ubungo inakuwa na Maendeleo.
“Tumepoteza vitu vingi kwa kukosa mbunge wa Chama cha Mapinudzi kwahiyo niko tayari kushirikiana na viongozi wote wa ngazi zote katika Chama lengo ni kuleta maendeleo ambayo tumeshindwa kuyafikia kwa kukosa mbunge anaetokana na Chama cha Mapinduzi”. Amesema Bi.Mwantumu.
Aidha Bi.Mwantumu amesema baada ya kujiridhisha yeye na nafsi yake ameona kwambaanaweza kuwasimamia wananchi wa Ubungo katika kile ambacho wanakihitaji ili kuendelea kumsaidia Mwenyekiti wa Chama hicho kwayale ambayo ameshayafanya mpaka sasa.
