Naibu Waziri ,Ofisi ya Rais Menejimenti ya Utumishi wa Umma na Utawala Bora, Mhe. Dkt. Mary Mwanjelwa akikagua nyumba zilizojengwa na Watumishi Housing Company eneo la Gezaulole jijini Dar es Salaam.Kushoto kwake ni Mkurugenzi Mtendaji wa Watumishi Housing Company Dkt. Fred Msemwa.
Mkurugenzi wa Watumishi Housing Company, Dkt. Fred Msemwa akitoa maelezo kuhusu mradi wa nyumba za kampuni hiyo kwa Naibu Waziri Ofisi ya Rais Menejimenti ya Utumishi wa Umma na Utawala Bora, Mhe. Dkt. Mary Mwanjelwa alipofanya ziara ya kukagua maendeleo ya mradi ujenzi wa nyumba eneo la Gezaulole jijini Dar es Salaam.
Naibu Waziri, Ofisi ya Rais Menejimenti ya Utumishi wa Umma na Utawala Bora, Mhe. Dkt. Mary akitoa ushauri juu ya upangishaji na uuzaji wa nyumba kwa watendaji wa Watumishi Housing Company katika mojawapo ya nyumba alizozikagua eneo la Gezaulole – Kigamboni jijini Dar Es salaam.
Baadhi ya Nyumba za ghorofa za Mradi wa Watumishi Housing Company zilizojengwa kwa madhumuni ya kuuziwa Watumishi wa Umma na kupangishwa katika eneo la Gezaulole Kigamboni nje kidogo ya jiji la Dar es salaam.
*******************************
Na Aaron Mrikaria- Dar es Salaam
21/03/2020
Menejimenti ya Watumishi Housing Company yashauriwa
kutenga baadhi ya nyumba zilizojengwa na kampuni hiyo kwa ajili ya kuwapangisha Wadau wa Mifuko ya Jamii ili nao wanufaike na Mradi huo wa Nyumba za bei nafuu.
Ushauri huo umetolewa naNaibu Waziri, Ofisi ya Rais,
Menejimenti ta Utumishi wa umma na Utawala Bora, Dkt. Mary Mwanjelwa (Mb) wakati wa ziara yake ya kikazi leo
alipotembelea mradi wa nyumba wa kampuni hiyo katika eneo la Gezaulole Wilaya ya Kigamboni mkoani Dar es Salaam.
“Kutokana na uhalisia kwamba fedha za ujenzi wa Mradi wa Nyumba hizi unatokana pia na mchango wa fedha za
wanachama wa Mifuko ya Hifadhi ya Jamii, ni vema nao
wakanufaika kwa kuuziwa baadhi ya nyumba hizi, kwa
maana hiyo tutakuwa tumetenda haki kwa Watumishi wa
Umma lakini pia tutakuwa tumetenda haki kwa wadau wa
Mifuko ya Hifadhi ya Jamii.’’
Aidha, Dkt. Mwanjelwa ameitaka Menejimenti ya Watumishi Housing Company kumchukulia hatua za kisheria mkandarasi anayejenga tangi la maji katika mradi huo (CRJE) kutoka nchini China, endapo atashindwa kumaliza kazi hiyo kwa wakati.
Pia, Dkt. Mwanjelwa ameiagiza kampuni hiyo kuanza kumkata mkandarasi Hugo fedha za malipo ya kazi hiyo kwa mujibu wa makubaliano ya mkataba kama njia mojawapo ya kutoa fundisho kwa wakandarasi wanaozembea kumaliza ujenzi wa miradi kwa wakati.
Sanjari na hayo, Dkt. Mwanjelwa ameipongeza Watumishi
Housing Company kwa ubunifu wa kujenga nyumba za
gharama nafuu, na kati ikiwa ni pamoja na kutoa fursa kwa wananchi kupanga katika nyumba hizo.
