Happy Lazaro,Arusha .
Arusha .Waziri wa nchi Ofisi ya Rais Menejimenti ya Utumishi na Utawala bora George Simbachawene anatarajiwa kuwa mgenirasmi kwenye
mkutano mkuu wa kwanza wa mwaka wa Jumuiya ya Wataalamu wa Usimamizi wa Rasilimali watu na utawala katika utumishi wa umma(TAPA-HR ),unaotarajia kuanza rasmi julai 22 hadi 25 katika Ukumbi wa kimataifa wa Aicc jijini Arusha .
Aidha mkutano huo unatarajia kuwashirikisha jumla ya Washiriki 700 kutoka taasisi mbalimbali za Tanzania bara na Visiwani.
Akizungumza na waandishi wa habari jijini Arusha , Mwenyekiti wa Kamati ya maandalizi ya mkutano huo Grace Meshy amesema mkutano huo una lengo la kubadilishana uzoefu katika maswala mbalimbali katika utawala pamoja na kukuza ujuzi na uweledi na maadili katika maswala ya rasilimali watu pamoja na utawala.
“Tunafahamu kuwa kada yetu ni kioo cha jamii hivyo tunatarajia kuwa tutaendelea kukumbushana maadili na kubadilisha uzoefu kwa kuwa jukwaa hili ni la kwanza kufanyika hivyo mambo mazuri yanakuja kwa kuwa sisi ni vioo katika taasisi zetu”amesema Meshy.
Aidha kauli mbiu ya mkutano huo ni “mwelekeo mpya wa nafasi ya wataalamu wa usimamizi wa rasilimali watu na utawala kusukuma mabadiliko kuendana na mageuzi ya teknolojia kwaajili ya kuboresha huduma katika utumishi wa umma”.
Aidha mkutano huo unalenga kuwakutanisha wataalamu wa kada ya usimamizi wa rasilimali watu na utawala katika utumishi wa umma Kutoka Tanzania bara na visiwani ili kuwajengea uwezo na kuleta tija katika kufikisha malengo makuu ya taasisi zao na ustawi wa wananchi kwa ujumla.
Amewataka waajiri wote ambao wapo katika wizara mbalimbali Mamlaka za serikali za mtaa, wakala wa serikali pamoja na idara zinazojitegemea kuendelea kuwawezesha wataalamu kuweza kushiriki mkutano huo muhimu 
