MADIWANI WA MANISPAA WAFANYA ZIARA YA KATA KWA KATA KUTEKELEZA ILANI YA CCM

Naibu meya wa
manispaa ya Iringa kupitia chama cha mapinduzi (CCM) Joseph Ryata akihutubia wananchi wa kata ya Mwangata wakati wa ziara ya kimkakati ya madiwani wa CCM manispaa ya Iringa

Katibu wa itika na uenezi wa chama cha mapinduzi (CCM) manispaa ya Iringa Edwin Bashir akiwa na mwenyekiti wa vijana wa wilaya ya Iringa mjini Salvatory Ngerera wakati wa ziara ya madiwani wa CCM katika kata ya Mwangata

Baadhi ya wananchi waliojitokeza katika kata ya Mwangata manispaa ya Iringa kuwasikiliza viongozi mbalimbali waliojitokeza siku hiyo.

NA FREDY MGUNDA,IRINGA.

MADIWANI wa chama cha mapinduzi
manispaa ya Iringa wameendelea na ziara ya kuelezea kazi za kimaendeleo ambazo
wamezifanya toka wachaguliwe kuwatumikia wananchi.

Akizungumza kwenye mkutano wa hadhara diwani wa kata
ya mwangata manispaa ya Iringa Nguvu Chengula aeleza
kazi za kimaendeleo katika sekta ya afya,miundombinu na elimu alizozifanya
katika kata hiyo toka achaguliwe kuwa diwani.

“Nilipoingia tu madarakani
nilifanyikiwa kukarabati barabara kumi na moja za mitaa ya kata ya Mwangata
nilikuwa naona wananchi wachangishana fedha kwa ajili ya kukarabati barabara
hizo ndio maana niliamua kuhakikisha barabara hizo zinapitika kilahisi ili
kurahisisha shughuli za wananchi zinaendelea vizuri” alisema Chengula

Chengula alisema kuwa amefanikiwa
kuboresha majengo ya shule za Mawelewele na Kigamboni zilizopo katika kata hiyo
kwa lengo la kuendelea kuboresha mazingira ya elimu kwa wanafunzi waliopo
katika kata hiyo

“Nampongeza sana father Ulungi na
wananchi kwa kutuchangia ujenzi wa vyumba vya madarasa katika shule ya
sekondari Mawelewele lakini mimi kama diwani nikachangia mifuko mia thelathini
(130) kwa ajili ya ujenzi huo” alisema Chengula

Aidha Chengula amesema kuwa sekta ya
afya imeimalika vilivyo kutokana na kuhakikisha wananchi wanapata huduma iliyo
bora kwenye hospital ya Frelimo.

Kwa upande wake naibu meya wa
manispaa ya Iringa kupitia chama cha mapinduzi Joseph Ryata amesema kuwa
wamejipanga kuhakikisha wanaboresha miundombinu ya uchumi ili kukuza ukchumi
kwa wananchi na kuleta maendeleo kwa taifa.

Ryata alisema kuwa watahakikisha
barabara zote za manispaa ya Iringa zinapitika kirahisi ili kuhakikisha
kuwa zinapitika na zinakuwa rafiki kwa wafanyabiashara kufanya biashara zao.

“Wananchi tusipokuwa na miundombinu
bora ya barabra hatuwezi kufanya biashara na kupata maendeleo yanayaotakiwa
hivyo ni lazima tuwasimamie viongozi wetu wa serikali kuhakikisha barabara zote
zinapitika bila kuwa na vikwazo kwa wafanyabiasha na wananchi kwa ujumla”
alisema Ryata

Ryata aliongeza kuwa madiwani wa
chama cha mapinduzi manispaa ya Iringa wamejipanga kuhakikisha kuwa wanasimamia
vilivyo ujenzi wa gorofa katika maeneo ya standi ilipokuwa tembo bara na
kuboresha kwa kuujenga upya ukumbi wa Community center ulipo katika
kata ya Kitanzini Miomboni na kujenga hoteli ya kitalii katika kata ya
Gangilonga.

“Tukiboresha
miundombinu hiyo yote na kujenga majengo ya kibiashara yatatusaidia kukuza
uchumi wa wananchi wa manispaa ya Iringa na nje ya manispaa ya Iringa hivyo
mipango hii inasimamiwa vilivyo na madiwani wa chama cha mapinduzi manispaa ya
Iringa” alisema Ryata

Ryata aliwataka
wananchi wa manispaa ya Iringa kuhakikisha wanaendelea kuwachagua viongozi wa
chama cha mapinduzi ili waweze kusaidia kuleta maendeleo kwa haraka na ubora
unaotakiwa tofauti na viongozi wengi wa upinzani hawana hoja za kiuchumi.

Naye diwani wa kata
ya Ruaha Tandesi Sanga alisema kuwa wamefanikiwa kuboresha miundombimu ya
sekata ya afya,elimu pamoja na miundombinu ya uchumi kwa lengo la kuhakikisha
wananchi wa kata hiyo wanafanya kazi za maendeleo bila ya kuwa na usumbufu
wowote ule.

“Nyie mashaidi toka
nimekuwa diwani wa ccm tumefanikiwa kuboresha sekta ya elmu kwa kuboresha
miundombinu ya majengo ya shule zetu za sekondari na msingi na zahanati zetu
tumeziboesha mno hivyo lazima tufanye kazi kama Rais wetu anavyotutaka” alisema
Sanga